Yoana 11:42 - Samburu

⁴² Kayielo ajo ikining chiaake nkatitin pooki, kake atejo ana tankaraki kulo tung'ana ooitachoo tene, payie etum aairuko aajo ikirriwua iyie nanu.>>

Yoana 11:42 Referans Kwoze

Yoana 3:17

Amu eitu eirriu ꞉Nkai Nkerai enye nkop meiguanare nkop, kake payie etum nkop atejeunyie ninye.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Lburania 5:7

Kore apa ebikito Yeso tana kop, ketoomono neichiraki Nkai too lkiyio, inia Ai naaidim aitejeu atirichie lkiye. Nening Nkai nkomono enye tankaraki naurie ninye.

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

Yoana 17:25

Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

Yoana 17:8

Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 11:22

Kake kore abaki taata kayielo ajo ikincho Nkai pooki niomonu.>>

Matayo 26:53

Aa miyielo ajo kaidim atoomono Papa lai, naa kaarewaki nabokata njorin kutuaa ee lmalaikani naalang tomon o oare maatimitu?

Lgalatia 4:4

Kake kore apa payie ebau nkitabaroto e ng'amata, nereu ꞉Nkai Nkerai enye natiiwua ꞉nkitok. Neini metowuana taabori nkitanapat e Musa,

Yoana 11:31

Kore payie edol laaduo tung'ana ooboitiere Maria ta nkaji aaitogol, aajo keipung'uto Maria asiooyo, neirukurukore ninye. Amu kejo apa ninche nkurarei eloito, aichir teinie.

Yoana 8:42

Nejoki ꞉Yeso, <

Yoana 8:29

Kore ilo laairriwua naa kaatii tenebo, eitu aaing'uaa aa nanu apeny, amu kaas nkata pooki nenia naiting'id ꞉ninye.>>

Yoana 8:16

Kake tanaa duaake kadung'oki nanu ltung'ani nkiguana, naa kedede nkiguana ai, amu mara nanu ake apeny oas inia. Kore Papa laairriwua naa ketii tenebo o nanu.

Yoana 11:43

Kore payie eidip atejo inia, nebuak to ltoilo sapuk ejo, <>

Yoana 12:11

amu tankaraki ninye payie epuoito ꞉ltung'ana kumo loo Lyiaudi neti Yeso, neiruk ninye.

Yoana 12:17

Kore apa lturrur otii tenebo o Yeso payie eipot Lasaro to nkurarei neitipiu too lootuata, nepuo kue elikoo sipata e inia nataase.