Yoana 10:15 - Samburu

¹⁵ ana naayielo nanu Papa, nayielo sii nanu ninye. Naa kaitai nanu nkichui ai tankaraki nkerra.

Yoana 10:15 Referans Kwoze

Yoana 10:11

<

Lgalatia 1:4

Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

Matayo 11:27

Kaaitarasaka Papa lai ntoki pooki, apik nkaina. Meatae hoo ꞉loyielo Nkerai mara Papa ake, nemeata sii ꞉loyielo Papa mara lolo oaatachama ꞉Nkerai aibalakinyie.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Yoana 15:13

Meatae nchaman nalang no ltung'ani oitai nkichui enye, tankaraki sotuatin lenyena.

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Yoana 17:25

Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

Yoana 6:46

Majoito naa keatae ꞉obo otodua Papa. Kake ꞉ilo oing'uaa netii Nkai, ninye ake otodua Papa.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Luka 10:21

Kore te inia kata, neiput Yeso ꞉ng'ida e Ltau Sinyati nejo, <>

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Lgalatia 3:13

Naa Kristo oinyiang'uaa iyioo to ldeket loo nkitanapat, netaa ninye ldeket tankaraki iyioo, amu keigero too Lkigerot ajo, <>

Yoana 8:55

Miyielolo ninye kake kayielo nanu. Naa tanaa kajo mayielo, naaku lasapani atuwuana ntae. Kake kayielo ninye, naibung rerei lenye.

Luka 10:22

Kaaitarasaka Papa lai, ntoki pooki apik nkaina ino. Meatae hoo loyielo ajo ng'ae Nkerai mara Papa ake, nemeatae sii loyielo ajo ng'ae Papa mara Nkerai ake, o ilo oyieu ꞉Nkerai neibalakinyie.