Yoana 1:16 - Samburu

¹⁶ Naa kore amu kebore ninye munyani o ndedei, ikitang'amaitie sii munyani ejing mpaach e nkae munyani te inia kuputakinoto enye.

Yoana 1:16 Referans Kwoze

Lkolosae 1:19

amu ketachamayie Nkai ajo kemany atua ninye katukul.

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Epeso 3:19

Kaomon Nkai payie ipuonunu aayielou inia chaman e Kristo narepaa yielounoto pooki, payie ebaya katukul inia kipirte e Nkai taatua ntae.

Epeso 1:23

Nkanisa nara sesen lenye, inia naaiput ꞉ninye neiput sii pooki toki taatua pooki.

Rroman 5:17

Amu kore tanaa to ng'oki e ltung'ani obo etang'asua lkiye aitoreicho eimu ilo tung'ani, kelus eichu neitoricho kenya lolo oaang'amaa munyani nabore nedodooyo neitaaki loosipat pecheu te inia nataasa ilo tung'ani obo, Yeso Kristo.

Yoana 3:34

Amu kore ilo oirriwua Nkai, neiro rerei le Nkai, neichoo ninye Ltau Sinyati te risoroto nemeiting.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

Matayo 13:12

Amu kore pooki ng'ae oata ntoki, naa keponikini aaitodooyo. Kake kore pooki ng'ae lemeata, neoruni abaki naata.

Lkolosae 2:3

Amu te ninye eisudoyieki murdaicho pooki e kursaicho o ne ng'eno.

Rroman 8:9

Kake mitii ntae taabori nkitoria e mpukunoto inchi torno, taabori nkitoria e Ltau Sinyati itii, tankaraki kemanya ntae Ltau le Nkai atua. Kore tenemeata ꞉ltung'ani Ltau Sinyati le Kristo naa mara lenye.

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Matayo 3:14

Nenyok Yoana aibooyo, ejo, <>

Matayo 3:11

Kaipatis ntae ta nkare payie iwuenienie nkirriidunoto, kake kore ilo laaijipu naa keata ngolon kitok alang nanu, namaichiaakino abaki tanaitai namuka enyena. Naa keipatis ninye ntae ta Ltau Sinyati o te nkima.

1 Petero 1:11

Keing'orutua apa inia naibalunyie ꞉Ltau le Kristo otii atua ninche ewuon eng'or, ajo anu anaa sii netiu inia kata e sina oitami Kristo o netiu nkata e nkitoo kenya naijipu ilo sina.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,