Yoana 1:12 - Samburu

¹² Kake kore pooki oang'amaa neiruk ninye, neicho metaa nkera e Nkai.

Yoana 1:12 Referans Kwoze

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Rroman 8:14

Naa kore pooki oorikoo ꞉Ltau le Nkai naa nkera e Nkai.

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Yoana 3:18

Kore pooki ng'ae oiruk ninye nemedung'okini nkiguana torno, kake kore pooki ng'ae lemeiruk neidipaki aatudung'oki nkiguana torno, tankaraki neitu eiruk inia Kerai ake nabo inoti e Nkai.

Lkolosae 2:6

Kore itang'amaitie Kristo Yeso aajo ninye Laitoriani, entewueni naa taatua ninye,

Matayo 10:40

<

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

Matayo 12:21

Neisilig nkarna enye ꞉lochon.>>

1 Yoana 3:23

Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo.

Asat 3:16

Kore ngolon e nkarna e Yeso naa keitogolo ele tung'ani, liyielolo chiaake nidolitata taata netiu tankaraki nkurukoto e inia arna. Kore inia kurukoto, naa ninye naichiunyie ele tung'ani tekue ng'onyek inchi pooki katukul.

Yoana 11:52

Namara ilo ocho apeny, kake payie eitoki ayau aitaa nabo nkera e Nkai naatasachari.

Yoana 1:7

Keyewuo apa ninye payie eaku limunoto, aliki ltung'ana sipata naipirita naduo wong'an, payie etum ninche pooki aairuko te ninye.

Matayo 18:5

Naa kore pooki ng'ae ong'amaa nkerai kini natuwuana ana ta nkarna ai, naa nanu etang'amayie.

Yoana 2:23

Kore ake ewuon etii Yeso Yerusalem te inia kata e ntasim e Pasaka, neiruk ꞉lkumo ninye tankaraki natoduaa asat e nking'asia naataasa naaitodolu nkitoo enye.

Yoana 1:11

Naa keyewuo apa ninye nkop ee ltung'ana lenche, kake eitu eng'amaa ꞉ninche ninye.

Rroman 8:16

Ilo Tau olimu sipata tenebo o ltauja lang ajo ikira iyioo nkera e Nkai.

Rroman 8:19

Kore ntokitin pooki naaitibirua ꞉Nkai, naa keisiluguta oleng ꞉ninche oleng nkera e Nkai meibalunyieki.

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

1 Yoana 3:10

Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.