Yakobo 4:1 - Samburu

¹ Nyo nayau larrabali o nkarnyas taatua ntae? Mara ng'uarrat torrok naayau naara taatua seseni linchi?

Yakobo 4:1 Referans Kwoze

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

Lgalatia 5:17

Amu kore nayieu mpukunoto ang torno, nera o yieunot e Ltau Sinyati. Naa keibooro kuna, payie miasias nenia niyieuu.

Rroman 7:23

kake kadol nkae golon easicho taatua rubat ainien. Kore inia golon naa nkitanapat ee ng'ok. Kerare ninche nkitanapat naayieu mparrunot ainien neirukurukore, naitaa nanu rridik taabori nenia kitanapat natii rubat ainien.

Rroman 8:7

Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.

Yakobo 1:14

Kake ng'uarrat enyena torrok naatem ltung'ani, neyiataki ntorroni.

1 Petero 1:14

Kore tankaraki nirara nkera e Nkai naaning'icho, emirubare naapa ng'uarrat inchi torrok nirukurukorere apa ewuon miyielolo ninye.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

2 Petero 3:3

Kore nalang pooki enteyielo nchere, kepuku ltung'ana oikordodicho tee mperot e nkiting'oto. Naa kore ninche keirukurukore ng'uarrat enche aaikordodicho

Yakobo 4:3

Naa kore tiniomonunu, mitumtum amu iomonunu to nkoitiei torno, iyieuu payie iasicherere taa mbaa naaiting'id seseni linchi.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Tito 3:9

Kake tapaachare nkarnyas e madai o natinin ee lmakui o nchankar o nchankar ee nkitanapat, amu meitoki eret kuna, pecheu ake ninche.

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

Matayo 15:19

Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai.

Yoana 8:44

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.

2 Timoti 2:23

Tapaachere rereii le madai oiro ltung'ana meata sipata amu iyielo ajo keyau larrabal.