Yakobo 3:10 - Samburu

¹⁰ Kore mayian o ldeket naa nkutuk nabo ake eing'uaa. Lalachera o nkanachera ainien, Meyiere payie eaku inji.

Yakobo 3:10 Referans Kwoze

Rroman 12:14

nimayianyian lolo ooitam ntae sina, entamayian emidek ninche.

1 Petero 3:9

Emilaaki ltung'ani ntorrok too ntorrok anaa ldeket te ldeket, kake entalaaki mayian amu inia eipotoka ntae Nkai payie itumtum mayian metaa ninchi.

1 Lkorinto 3:3

tankaraki ewuon ake irukurukorere mpukunoto inchi torno. Amaa tanaa ewuon iatata lom o nchankar taatua ntae, meitodolu inia ajo ewuon eitore ntae mpukunoto inchi torno?

1 Timoti 5:13

Kore aitoki, neitomok ninche ate wuanata e pecheu erukurukoo nkajijik. Tapala duo abaki inia wuanata enche e pecheu, kake keitoki aaku nkaimeteteelok, neyieu neyielou mbaa namara nkunenche, neiro mbaa nemeyiere payie eiro.

Yakobo 1:16

Lalachera o nkanachera ainien, emincho eitopong'ori ntae!

Yakobo 1:19

Enteyielo naa, lalachera o nkanachera ainien nacham, nchere meata lobo linchi lemesioki aning nemeipirriki airo nemesioki sii agoro,

Yakobo 3:1

Lalachera o nkanachera ainien, emincho lkumo linchi eaku laiteng'enak te nkanisa, amu iyielolo aajo kore iyioo ooiteng'enicho naa kedung'okini nkiguana nagol oleng.

Yakobo 3:9

Kore te ilo ng'ejep, ikisis Laitoriani oara Papa lang, nikidekie aitoki ltung'ana ooitibira ꞉Nkai te nkitanyanyukoto enye.

Yakobo 3:11

Amaa, keatae lchorro oimu nkong'u nkare supat o nadua nkata nabo?