Yakobo 1:4 - Samburu

⁴ Naaku naa, enchoo ng'iriata inchi ebulu katukul, payie iakuku ltung'ana ootubulutua aaiputakino taa mbaa pooki, meatae hoo ntoki nang'oriki ntae.

Yakobo 1:4 Referans Kwoze

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Luka 21:19

Kore te ng'iriata inchi naa itumtum nkichon nemeiting.

Matayo 5:48

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

2 Timoti 3:17

paa kore ltung'ani le Nkai, neaku loterretene oidimieki metaasa ntoki pooki supat.

Lgalatia 6:9

Naa mikinauru kias mbaa supati, amu kore teneitu kinauru taa ltauja, naa iking'amaa laare ta nkata nalotu.

Yakobo 3:2

Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

Yakobo 1:5

Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

1 Lkorinto 2:6

Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Luka 8:15

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Matayo 10:22

Naa keibai ntae ltung'ana tankaraki nkarna ai. Kake kore long'iri metabaki nkiting'oto, neitejeuni.

2 Petero 1:9

Naa kore lemeata kuna, naa medolicho aitibiraki, tung'ai abaki inia, kera modooni katukul, tankaraki ketirikine ajo keidipaki aaituko ng'ok enyena e apa.

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Luka 18:22

Kore payie ening Yeso ana nejoki, <>

Marko 10:21

Kore pee eing'or ꞉Yeso ninye naaku kecham, nejoki ninye, <>

Matayo 19:20

Nejo ilo barnoti, <>

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.