Yakobo 1:12 - Samburu

¹² Kemayiana ilo tung'ani ong'iri taatua sinaitin ooitami, amu kore payie eidip aimai sina, netum nkopiyia e nkisulata aa taa nkichon ee ntarasi, naitayia Nkai lekutuk ajo keicho lolo oaacham ninye.

Yakobo 1:12 Referans Kwoze

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Mbolunoto 2:10

Emiurie nenia baa, nemeata ajo metum ntae. Enteyielo naa aajo kenang'aki ꞉Chitani lbata linchi atua jila payie etumi aatasaan ntae, niimaa ilo sina mperot tomon. Kake entaa loosiligai ta nanu, abaki tanaa keri ntae entuata. Kore nkopiyia e nkisulata naicho ntae naa nkichon ee ntarasi.

Yakobo 5:11

Kore naa, ikidol aajo kemayiana lolo ooting'iria sina. Itining'o apa ng'iriata e Ayubu o neitaasa ꞉Laitoriani ninye te siedi, nchere keata Laitoriani lng'er o lng'ur.

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

Matayo 10:22

Naa keibai ntae ltung'ana tankaraki nkarna ai. Kake kore long'iri metabaki nkiting'oto, neitejeuni.

1 Lkorinto 9:25

Kore pooki ng'ae oyieu payie ekuet neisul, keichiaakino nerretena oleng. Kekuet ninche payie etum ntoki nemebik, kake kore iyioo naa ikikuet payie kitum ntoki nabik ntarasi.

1 Petero 3:14

Kake kore abaki eitam ltung'ana ntae sina tankaraki nirara loosipat, naa imayianana. Emiata ngureticho tankaraki ninche, nimiirranana.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Yakobo 2:5

Eng'ura ja lalachera o nkanachera ainien nacham! Amaa, mara ketegelua ꞉Nkai laisinak tana kop metaa lparakuo to nkurukoto, neaku lootum nkitoria enye naitayia Nkai lekutuk ajo keicho lolo oaacham ninye?

1 Petero 5:4

Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

1 Lkorinto 2:9

Kake kore nikilikoo naa inia naigero too Lkigerot Sinyat nchere, <>

Mbolunoto 3:21

Naa kore ilo ooisul, naicho newuenie tenebo o nanu to lorika lai le nkitoo, ana naisula nanu nawuon tenebo o Papa lai to lorika lenye le nkitoo.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

1 Lkorinto 8:3

Kake kore ltung'ani oacham Nkai naa ilo tung'ani eyielo ꞉Nkai.

Mbolunoto 3:19

<<

Lburania 10:32

Entaparru apa payie ing'amumu wong'an e Nkai, ninkuna payie ing'iriri sina ogol.

Lburania 6:15

Neanyu Abraam te ng'iriata, netum inia naitaka ꞉Nkai lekutuk ajo kaicho.

Matayo 25:34

<

Lburania 11:17

To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar,

1 Yoana 4:19

Ikichamicho amu ninye apa oatachama iyioo tekue.

Lburania 12:5

Amaa itirikinete katukul ilo rerei oitogol ntae irara nkera enyena, ilo ojo Lkigerot Sinyat, <

Luka 6:22

Imayianana teneibai ntae ltung'ana, negelaa ntae, nedek ntae, neitarruorri nkarn inchi tankaraki Nkerai e ltung'ani.

Rroman 5:4

naa kore kiata ng'iriata neidimie iyioo mataa ltung'ana lemeigusgusieki, naa kore payie kiaku ltung'ana lemeigusgusieki nikitum siligi.

2 Timoti 2:15

Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei.

1 Petero 4:14

Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae.