Tito 3:9 - Samburu

⁹ Kake tapaachare nkarnyas e madai o natinin ee lmakui o nchankar o nchankar ee nkitanapat, amu meitoki eret kuna, pecheu ake ninche.

Tito 3:9 Referans Kwoze

2 Timoti 2:14

Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning.

2 Timoti 2:23

Tapaachere rereii le madai oiro ltung'ana meata sipata amu iyielo ajo keyau larrabal.

1 Timoti 4:7

Tapaachere nenia atinin nemeitaa Nkai toki nemeata tipat, kake nteng'ena koon payie iaku ltung'ani ourie Nkai.

2 Timoti 2:16

Topong'o mbaa naanya ltung'ana nemeata tipat, amu kore lolo pooki otii atua nenia baa naa keitalam ate Nkai oleng.

Tito 1:14

nemeitoki aairukurukore nkatinin ee Lyiaudi anaa nkitanapat ee ltung'ana ooibelekenyete aaing'uaa ndedei.

1 Lkorinto 8:1

Kore taa mbaa naaipirita ndaa naitakaki nkaitok e sapare naa kesipa nchere, ikiyelo pooki sipata e ana bae. Kore ng'eno naa keilachie ltung'ani, kake kore nchaman neitogol lkulie.

1 Lkorinto 13:2

Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

Yakobo 4:1

Nyo nayau larrabali o nkarnyas taatua ntae? Mara ng'uarrat torrok naayau naara taatua seseni linchi?