Tito 3:3 - Samburu

³ Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Tito 3:3 Referans Kwoze

Lkolosae 1:21

Kore abaki ntae oaara apa ltung'ana oaalamita Nkai nirara lmang'ati lenyena tankaraki ltauja linchi ana naitodolu asat nchi torrok,

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

Lkolosae 3:7

Kore sii apa ntae, naa ichomo tee nkichoni inchi ana lolo tung'ana, inia kata iwuenini taatua nenia ng'ok.

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

1 Petero 1:14

Kore tankaraki nirara nkera e Nkai naaning'icho, emirubare naapa ng'uarrat inchi torrok nirukurukorere apa ewuon miyielolo ninye.

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

Yoana 8:34

Newoliki ꞉Yeso ajoki, <

Matayo 21:29

Newoliki papa lenye ajoki, Kake kore tesiedi, nedol ajo keitarruoyie, nelo aas ilo siaai.

Yakobo 1:26

Kore tenejo ltung'ani kera ltung'ani oyielo Nkai, kake nemeirrita lng'ejep lenye, koon ake esapita naa kore inia najo keyielo Nkai naaku ake pecheu.

Lgalatia 6:3

Naa kore tenedol ltung'ani koon ajo kera toki, nemeitoki era, naaku koon esapita.

Luka 21:8

Nejoki ninche, <, naa, Emirukurukore ninche!

Mbolunoto 18:2

Nebuak to ltoilo sapuk ajo, <

Mbolunoto 13:14

Kore taa nana baa naaing'asicho naaichooki metaasa tekue inia ng'ues torno ekue, nesap ltung'ana pooki oaamanya nkop. Neitirrichaki meeitibira nkitanyanyukoto e inia ng'ues ekue, inia nataraki apa metua ta lalem neinyiaaka apiu.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Rroman 6:6

Ikiyielo nchere ketechoki mpukunoto ang musana ee ng'ok tenebo o ninye, payie etumi aaidakie ngolon e ng'ok, nemeitokini aapik iyioo rrindikicho ee ng'ok.

Rroman 6:12

Naaku, emincho ng'oki meitoria seseni linchi ooye, eji paa iasias naayieu ng'uarrat enyena.

Rroman 11:30

Kore apa itanya ntae ining'ining Nkai neing'urrie taata ntae tankaraki natanya Lyiaudi ening ninye.

2 Timoti 3:6

Kore lbata loo lolo tung'ana naa ketii looleliakino nkajijik, neitopong'oo ntomonok naamada. Kore kuna toluti naa kepetita ꞉nkirochi ee ng'ok, nerikito ꞉ng'uarrat kumo naapaapaacha,

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

Tito 1:16

Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.

Tito 2:12

Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,