Tito 3:1 - Samburu

¹ Ntaparru ltung'ana le nkanisa meeitodou ate too lolo ooitoricho o loaata nkitoo nening sii ninche, nerretena aas ntoki pooki supat.

Tito 3:1 Referans Kwoze

Matayo 22:21

Newoliki ꞉ninche aajoki, <> Nejoki ꞉Yeso, <>

2 Timoti 2:21

Kore pooki ng'ae oitoorere koon nenia tokitin torrok, naa keaku masaaita naasieki siaai le tipat, naitaaki sinyati, nera ne reto to lkitok lenye, neidim lkitok lenye ataasichere te siaai pooki supat.

2 Timoti 1:6

Naa inia paaitaparru iyie payie intipij inia kichooroto e Nkai, inia nikitii atua nitumo payie aaiteleki nkaik aainien.

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

1 Timoti 2:2

Kaitaarriyianicho metaasi inia too lkinkii o too lolo pooki otii nkitoria payie kiwueni to mborron o te seriani tee nkichoni ang, kiurie Nkai nikitum nkanyit to ntoki pooki nikias.

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

2 Petero 1:12

Naaku kayieu chiaake naitaparru ntae kuna baa, abaki iyielolo ninche, nintachoto aipidaki taatua inia dedei naichooki ntae.

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.

Lkolosae 1:10

nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Yuda 1:5

Kore abaki iyielolo ntae kuna pooki, naa kaitaparru ake ntae nchere keitejewua apa ꞉Laitoriani ltung'ana lenyena alaku ang'as to nkop e Misiri, kake neitoki aidakie tesiedi lolo leitu eiruk.

Tito 3:14

Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.

2 Timoti 2:14

Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning.

Tito 1:16

Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.