Tito 1:9 - Samburu

⁹ Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori.

Tito 1:9 Referans Kwoze

2 Ltesalonike 2:15

Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai.

2 Timoti 1:13

Mbung'a naa ilo rerei odede litining'o alikoo, metaa ninye iduaaya to nkurukoto o te nchaman natii atua Kristo Yeso.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

1 Timoti 1:10

Neitayiaki sii tankaraki ltung'ana oaas loloito o lewa oaas loloito o lkulie lewa o loomir ltung'ana metaa rrindiki o lolo oaasapicho o lolo oaanya lmumai le sapare o nkae toki pooki napaachere nkiteng'ena nadede.

Mbolunoto 3:3

Entaparru naa ndedei naiteng'enaki apa ntae nitang'amatie, embung'a inia nirriididu. Kake kore tanaa minyuotototo, kalotu nitii tana lapurroni nimiyielouu hoo nkata nalotu.

1 Timoti 1:15

Naa kesipa ele rerei neisiligai, neichiaakino payie eng'amari nchere, keyewuo Kristo Yeso nkop payie eitajeu ltung'ana loo ng'ok, naa nanu ojool lolo pooki.

Tito 2:1

Kake kore iyie, nteng'enicho mbaa naaichiaari e nkiteng'ena nadede,

Tito 1:11

Meata ajo mijoki metiripa nkutukie, amu keing'oling'olita nkang'ite eiteng'enicho mbaa nemeyiere neiteng'enicho tankaraki keiyieu ninche netum ntoki to nkoitiei e monkoichio.

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

1 Ltesalonike 5:21

kake entetem ntoki pooki, nintirrichakiki aaibung inia supat.

Mbolunoto 3:11

Kalotuta asieku, embung'a entirrichaki inia niatata, payie meatae loworu ntae nkopiyia inchi e nkisulata.

Mbolunoto 2:25

mara ake payie imbung'bung inia niatata ana maeu.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.

2 Timoti 2:25

Kore lolo lemeyieu mbaa enyena, neichiaakino payie eiteng'en ninche to mborron, ejo kebaki neicho ꞉Nkai ninche munyani enye meibelekenyata aayielou ndedei,

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

1 Timoti 4:9

naa rerei ilo oirukoi, neichiaakino neng'amari pii.

1 Timoti 1:19

imbung'uta nkurukoto niyielo ta ltau lino ajo miata nikikurrieki. Ketii lbata ootabarakita aany inia dedei naibala taa ltauja lenche, neidakie nkurukoto enche.

Asat 18:28

Amu ketimira ninye Lyiaudi eirorie to ngolon tekue ltung'ana, easichere Lkigerot Sinyat aibalakinyie ajo, kore Yeso naa ilo Aitejeunoni oaanyutae oji Kristo.

1 Lkorinto 14:24

Kake kore tanaa imbonichocho pooki te inia kata nalotu ltung'ani leitu eiruk Kristo tanaa lomon atua ntae, nesipu koon ajo kera loo ng'ok te inia naning'ito, neiguanare ninye ꞉inia pooki naning,

2 Timoti 3:14

Kake kore iyie, towuana naa taatua nenia nikinteng'enaki nitisipua, amu iyielo ajo oong'ae itumie inia kiteng'ena,