Tito 1:15 - Samburu

¹⁵ Kore mbaa pooki naa keichiaakino tekue Nkai too ltung'ana ooituko nera supati, kake kore too lolo oaatarroitie nemeiruk naa meatae ntoki naichiaakino tekue Nkai. Kore abaki mparrunot enche o nkidimata namusunyie ntoki supat o ntorno naa ketarroitie.

Tito 1:15 Referans Kwoze

Rroman 14:14

Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye.

Rroman 14:20

Mintarruoo siaai e Nkai tankaraki ndaa. Kedede keisupati ntokitin pooki, kake keitorno to ltung'ani oanya ndaa eitanyamal koon.

1 Lkorinto 10:23

Keidim lobo lang nejo, <> Ee nejia etiu, kake mara ntoki pooki naas naaret. Neidim sii aitoki nejo, <> Ee, kake mara pooki naitogol lkulie.

Matayo 15:18

Kake kore mbaa naaipung'u to nkutuk naa ltau eing'uaa, naa ninche naitarruo ltung'ani.

Rroman 14:23

Kake kore ilo oata lng'ach tenenya ntoki, neiguanareki amu meirichakino inia naasita nkurukoto. Kore ntoki pooki namara nkurukoto eirichakino, naa ng'oki.

1 Lkorinto 10:31

Oo inya ntoki tanaa imat tanaa nkae toki pooki nias, taasa to nkoitiei nayaki Nkai nkisisa.

Asat 10:15

Neitoki ilo ltoilo ajoki ninye nkata e are ejo, <>

1 Lkorinto 8:7

Kake mara pooki ooyielo ana sipata. Ketii ltung'ana ootomoo esai apa nkaitok e sapare, naaku ewuon eya inia daa nanyaita ana ndaa naitakaki nkaitok e sapare, neitanyamal ꞉inia ltauja lenche oaachal.

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

1 Lkorinto 10:25

Naaku tama ake nkiri pooki naamiri to ng'oji nemirichiereki mimparu aitanyamal ltau lino.

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.