Rroman 9:1 - Samburu

¹ Kairorita mbaa naadede amu kara le Kristo namajoito sapare amu katumuse naiteyielo sii Ltau Sinyati.

Rroman 9:1 Referans Kwoze

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

Rroman 1:9

Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

Lgalatia 1:20

Naa kore kuna naigerokita ntae, kajoki ntae tekue Nkai nchere mara sapare.

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

2 Lkorinto 11:10

Nemeatae hoo loidim aiboi inia kikarra ai too lubot pooki e Akayia. Kaata sipata e inia amu keti sipata e Kristo atua nanu.

Rroman 8:16

Ilo Tau olimu sipata tenebo o ltauja lang ajo ikira iyioo nkera e Nkai.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Ltesalonike 2:5

Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang.

2 Lkorinto 12:19

Amaa teneisomakini taata ntae ana palai, ijoijo ntae nkata pooki ikinyokita iyioo aang'oroo ate? Metiu nejia! Ikiro iyioo ana laisiaayiak le Kristo tekue Nkai, naa kore pooki nikijo, sotuatin lainien lacham naa payie eitogol ntae.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

1 Timoti 5:21

Kaaitanap iyie katukul tekue Nkai o Kristo Yeso o lmalaikani oogeluno, payie iimbung kuna kitanapat, nimidung mbae nimisip, nimiata ngela.

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

Rroman 2:15

Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino.

Rroman 9:2

Kaisinanio oleng naata mion nemeyagari taatua ltau lai.