Rroman 8:37 - Samburu

³⁷ Meitoki naidim atoorie iyioo! Kore te nenia baa pooki, naa ikisul katukul, te ilo oatachama iyioo.

Rroman 8:37 Referans Kwoze

1 Lkorinto 15:57

Kake ache Nkai! Amu ninye naichoo iyioo mirichoi aimu Laitoriani lang Yeso Kristo.

1 Yoana 4:4

Nakera ainien, irara ntae ne Nkai, nindipa aatimir lolo oibonok le sapare, amu kore ilo otii atua ntae naa keikitok alang ilo otii nkop.

2 Lkorinto 2:14

Kake kaicho Nkai nache amu kore taatua Kristo, keisula ninye, nerikoo iyioo, neasichere iyioo meteyielo ltung'ana ninye to ng'oji pooki ana lasar orropili.

Mbolunoto 21:7

Kore inia naa nkichooroto naicho pooki ng'ae ooisul. Kaaku nanu Nkai enye, neaku ninye nkerai ai.

Mbolunoto 12:11

Netimira ꞉ninche ninye to lodo lo Lkuo leker o te limunoto naipirita Yeso. Neitu abaki echamu nkichoni enche metaa keturia eri metuata.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

2 Lkorinto 12:9

Kake naajoki, <> Naaku kang'ida oleng, naa alang tanaikarrie mbaa naaitoduaa Nkai, naikarrie mbaa naitachal payie etum ngolon e Kristo atowuana taatua nanu.

Mbolunoto 17:14

Kerare ninche o inia ng'ues Lkuo leker, kake kemir ninche ꞉Lkuo leker. Kemir amu kera ninye Laitoriani laa laitoriak, nera Lkinkii loo lkinkii naa kore lolo ooirukurukore ninye naa lolo ooipoto netegelua ꞉Nkai, neisiligai te ninye.>>

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

1 Yoana 4:19

Ikichamicho amu ninye apa oatachama iyioo tekue.

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

1 Lkorinto 15:54

Naaku kore payie eibelekenyi mpukunoto naidaari aye metaa mpukunoto nabik ntarasi nemeye, nebaya inia naigero too Lkigerot Sinyat nchere, <>

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Mbolunoto 3:9

Ng'ura, kore lbata loo lolo le sinagogi e Chitani, lolo oojo kera lgelunot le Nkai namara, kake kesapicho ake, kareu meotu aairrigokino nkejek inchi. Naa kepuo aayielou aajo kacham ntae.

1 Yoana 4:10

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

2 Lkorinto 12:19

Amaa teneisomakini taata ntae ana palai, ijoijo ntae nkata pooki ikinyokita iyioo aang'oroo ate? Metiu nejia! Ikiro iyioo ana laisiaayiak le Kristo tekue Nkai, naa kore pooki nikijo, sotuatin lainien lacham naa payie eitogol ntae.

Rroman 8:35

Ng'ae oidim atoorie iyioo chaman e Kristo? Keidim sa nyamali anaa sina? Oo sa teneitam iyioo ltung'ana sina, tanaa tenear iyioo sumach, tanaa tinimikiata nkilani, tanaa tenetum iyioo ntoki nagol, tanaa teneri iyioo matuata?