Rroman 8:35 - Samburu

³⁵ Ng'ae oidim atoorie iyioo chaman e Kristo? Keidim sa nyamali anaa sina? Oo sa teneitam iyioo ltung'ana sina, tanaa tenear iyioo sumach, tanaa tinimikiata nkilani, tanaa tenetum iyioo ntoki nagol, tanaa teneri iyioo matuata?

Rroman 8:35 Referans Kwoze

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

Rroman 8:39

namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

1 Lkorinto 4:11

Kore o taata ikiata sumach o nkure, mpurdat kinchopito neritae iyioo, nimikiata nikimanya.

Rroman 8:17

Naa tanaa nkera e Nkai kira, ikira sii lootum tenebo o Kristo inia naisiligie iyioo Nkai, naa tanaa iking'ar sina lenye, iking'ar sii nkitoo enye.

Yoana 13:1

Kore ewuon eng'or ntasim e Pasaka, keteyielo Yeso ajo ketabawua saa enye payie eing'uaa ana kop nelo netii Papa lenye. Naa kore tankaraki nacham ꞉Yeso lolo lenyena tana kop, neitodol nchaman ana metua.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Asat 14:22

Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Rroman 2:9

Kore ltung'ani pooki oas ntorrok, netum kenya sina sapuk oleng, sina oang'asu tekue too Lyiaudi, neitoki sii too loreren lamara loo Lyiaudi.

Rroman 8:37

Meitoki naidim atoorie iyioo! Kore te nenia baa pooki, naa ikisul katukul, te ilo oatachama iyioo.

1 Lkorinto 4:12

Keirraayie iyioo siaai ogol likiasita taa nkaik ang. Kore edeki iyioo, nikimayianicho, kore eitami iyioo sina, niking'iri.

2 Lkorinto 4:8

Keironyitae iyioo taa mbat pooki, kake eitu kimuta, netii nkatitin nimikiyielo nikias, kake eitu eich iyioo siligi.

2 Lkorinto 4:9

Neitamitae iyioo sina, kake eitu eing'uaa iyioo Nkai, netipikaki aitoki iyioo lbaa, kake eitu eri iyioo matuata.

2 Lkorinto 12:10

Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

Epeso 3:19

Kaomon Nkai payie ipuonunu aayielou inia chaman e Kristo narepaa yielounoto pooki, payie ebaya katukul inia kipirte e Nkai taatua ntae.