Biblia Todo Logo
Bib sou entènèt

- Piblisite -




Rroman 7:25 - Samburu

25 Karrinyoki Nkai nache naa ninye koon naas inia aimu Yeso Kristo Laitoriani lang. Naaku kore naa naidipie, kore nanu koon taa mparrunot ainien, naa nkitanapata e Nkai aisiaaita, kake kore te sesen lai naisiaita nkitanapat ee ng'ok.

Gade chapit la Kopi




Rroman 7:25
20 Referans Kwoze  

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.


nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.


Kake ache Nkai! Amu ninye naichoo iyioo mirichoi aimu Laitoriani lang Yeso Kristo.


Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.


Meitore aikata ntae ng'ok, amu mitii taabori nkitanapat kake taabori munyani itii.


Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.


Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.


Maichoo Nkai nache tankaraki inia nkichooroto enye kitok nemelimunoi!


Emintanyamal ate tae bae, kake kore nkata pooki niomonmon ninchirakiki Nkai, entiliki yieunot inchi inchocho nache.


Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.


Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.


Swiv nou:

Piblisite


Piblisite