Rroman 7:18 - Samburu

¹⁸ Amu kayielo ajo meata ntoki supat naatii atua nanu. Kore payie ajoito ana, naa mpukunoto torno e ltung'ani aimakita, amu ketii atua nanu yieuna naasie inia supat kake maidim ataasa.

Rroman 7:18 Referans Kwoze

Yoana 3:6

Kore loiu ꞉ltung'ani naa le sesen, naa kore loiu ꞉Ltau Sinyati naa la Ltau.

Lgalatia 5:17

Amu kore nayieu mpukunoto ang torno, nera o yieunot e Ltau Sinyati. Naa keibooro kuna, payie miasias nenia niyieuu.

Rroman 7:25

Karrinyoki Nkai nache naa ninye koon naas inia aimu Yeso Kristo Laitoriani lang. Naaku kore naa naidipie, kore nanu koon taa mparrunot ainien, naa nkitanapata e Nkai aisiaaita, kake kore te sesen lai naisiaita nkitanapat ee ng'ok.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Rroman 7:19

Ee, kore inia supat nayieu naas namaas, naaku eji inia torno ake namayieu naas aasita.

Rroman 7:15

Mayielo ajo aanyo payie aasita mbaa naasita, amu maas nenia nayieu duo naas, kake nenia baa naiba aasita.

Matayo 15:19

Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

Lpilipi 3:12

Majo taa nanu kaidipa atumo inia tanaa sii kaitabayie, kake kanyokita abaya payie atum aibung'a inia metaa nanai tankaraki kaaibung'a sii apa ꞉Kristo Yeso.

Luka 11:13

Amaa sa tiniyielolo ntae oaara torrok aaichoo nkera inchi nkichoorot supati, kebaa sa eitulusoo Papa linchi otii chumata aichoo Ltau Sinyati lolo oomon ninye?>>

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.