Rroman 6:3 - Samburu

³ Aa miyielolo aajo kore iyioo pooki ooipatisaki ta nkarna e Yeso Kristo naa payie kiaku lenyena?

Rroman 6:3 Referans Kwoze

Lgalatia 3:27

Amu kore ntae pooki ooipatisakaki Kristo, naa inchopo Kristo.

Rroman 6:8

Naa tanaa ikituata tenebo o Kristo, ikiruk sii aajo ikinchu tenebo o ninye.

1 Lkorinto 12:13

Amu kore iyioo pooki, oo duaake kira loo Lyiaudi tanaa loo lkulie oreren tanaa rrindiki tanaa lamara rrindiki, keipatisaki iyioo pooki payie kiaku ilo sesen obo ta Ltau Sinyati, netubukokaki iyioo pooki ilo Tau Sinyati.

1 Petero 3:21

Kore inia naa maaji e nkipatisa naitejeu taata ntae. Meipirita taa inia ajo keituk sesen aoru latukuny, kake ntoki naitisipu ajo merekure etii ntoki niurie tekue Nkai tankaraki ketipiwua Yeso Kristo,

Asat 2:38

Nejoki ꞉Petero ninche, <

Matayo 28:19

enchom naa entaa lochon pooki looiteng'eni lainien, impatisasa ninche ta nkarna e Papa o ne Nkerai o ne Ltau Sinyati,

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Lkorinto 9:13

Kasip ajo iyielolo aajo kore ltung'ana oaasicho ta nkaji e Nkai naa te inia aji e Nkai etum ndaa, naa kore lolo ooisiaaicho te lperere la lasar, neng'arieki lasarri ooitaini te ilo perere la lasar.

Rroman 7:1

Lalachera o nkanachera, kore nairorita taata naa lolo ooyielo nkitanapat airorie. Aa miyielolo aajo keitore nkitanapat ltung'ani ewuon eichu?

Rroman 6:16

Miyielolo aajo kore ilo linchoo ate aaku laisiaayiak lenyena ooning'icho, niakuku rrindiki lenyena? Keidim ng'ok aaitoria ntae nitumtum lkiye teinia, tanaa sii iakuku rrindiki ooning Nkai, neitae ntae loosipat.

Asat 19:5

Kore payie ening ana, neipatisi ta nkarna e Laitoriani Yeso metaa lenyena,

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

1 Lkorinto 5:6

Keitorno inia kilacha inchi! Aa miyielolo ntae aajo kore nkini mukate naisiicho neisiichie mukate pooki?

Asat 8:16

amu kore apa lolo tung'ana keipatisaki ta nkarna e Laitoriani Yeso metaa lenyena, kake ewuon eitu edoki ꞉Ltau Sinyati.

2 Lkorinto 13:5

Entisipu ate tanaa itii atua nkurukoto nadede. Entetem ate! Amaa, miyielolo aajo keti Yeso Kristo atua ntae? Tanaa miyielolo, naaku eitu iimiim inia temata.

1 Lkorinto 15:29

Oo taata, kaa eas lolo tung'ana ooichoo meipatisi ta mpaach ee ltung'ana ootuata? Amaa tanaa meitipiuni lootuata, aanyo payie eipatisi ltung'ana ta mpaach ee lootuata?

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

1 Lkorinto 9:24

Amaa, miyielolo aajo ltung'ana kumo chiaake oaang'asu nkuetata, kake ltung'ani obo ake oisul, netum inia naichori loisula? Enkuet naa payie itumtum inia!

1 Lkorinto 10:2

Kore te inia kidis o ta mpaso, neipatisaki ninche pooki metaa le Musa.