Rroman 6:21 - Samburu

²¹ Naaku amaa, nyo apa itumo ntae tee nenia baa? Kore nitumo, naa nenia baa naaitam taata ntae anyit, naa kore nkiting'oto enche naa lkiye.

Rroman 6:21 Referans Kwoze

Rroman 1:32

Kore kulo tung'ana naa keyielo nkitanapata e Nkai, nchere kore lolo oaas kuna baa naa keichiaakino lkiye, kake kore eyia, mara ake nenia baa eas, kake keitoki achamaa pooki oaas.

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.

Lburania 6:8

Kake kore lchampa laa lkuku ake o ndeti naabulu naa meata tipat, netaa kedeki kore tesiedi nepejori.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

Rroman 8:6

Amu kore natum ilo oitore ꞉mbaa e mpukunoto torno e ltung'ani naa lkiye, kake kore natum ilo oitore ꞉mbaa e Ltau Sinyati naa nkichui o seriani.

Mbolunoto 20:14

Nenang'akini Lkiye o nemeneng'a mpaso e nkima. Kore mpaso e nkima naa ninye lkiye le oare.

Mbolunoto 16:6

Amu keibukoitie ꞉ltung'ana torrok lodo loo sinyat o loo loibonok le Nkai, neiteme ꞉Nkai ninche aicho lodo metamata amu inia nairirikino.>>

1 Petero 4:17

Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai?

Yakobo 5:20

keyiere neyielou ilo tung'ani otirrinyua nchere, kore ilo orrinyu laing'okoni metung'ai nkoitiei enye e mpong'ori, naa keitejewua nkichui e ilo tung'ani te lkiye netujutoyieki ng'ok enyena kumo.

Yakobo 1:15

Kore naa ana naiturukumu ntoki neicho, keiturukumu sii ng'uarrat torrok neiu ng'oki, kore payie eitore ng'oki ltung'ani, neiu lkiye.

Lburania 10:29

Entaparrai naa ja newua wochoto naichiaakino ltung'ani lemeyanyit Nkerai e Nkai, newa ilo odo lo lning'o oitisinya ninye metaa ntoki namara sinyati, netediaa Ltau Sinyati oicho iyioo munyani e Nkai.

2 Lkorinto 7:11

Entodol ja mbaa naataasate tesiedi inia kata payie enyamalu ltauja linchi ana nayieu Nkai. Mara ketaa keikitok nyuata inchi, niteyieuta sii niasias mbaa aichiaaki? Kebaa itogorete tankaraki mbaa naataasate nemeichiaakino? Kebaa iatata ngureticho tankaraki wochoto nindimdim nitumtum? Kebaa iyieuu nidoldol iyioo, nebaa iterretenete payie intememe ilo tung'ani oataasa inia torno? Intodolutua ate katukul aajo meatae hoo ntoki nakurrieki ntae tana bae.

Lpilipi 3:19

Kore nkiting'oto enche naa mutai, nera nkochuaa enche nkai enche, naa kore mbaa e nkurruna naa ninche eikarrie, neparraa ake mbaa e ana kop.

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Rroman 6:16

Miyielolo aajo kore ilo linchoo ate aaku laisiaayiak lenyena ooning'icho, niakuku rrindiki lenyena? Keidim ng'ok aaitoria ntae nitumtum lkiye teinia, tanaa sii iakuku rrindiki ooning Nkai, neitae ntae loosipat.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.