Rroman 6:19 - Samburu

¹⁹ Kairorita to nkutuk nining'ung'u, tankaraki nirara ltung'ana oaachal. Kore ana ninchooitie apa rubat ee seseni linchi payie eaku rrindiki ee mbaa nemeichiaakino o ne ntorno metaasa ntorrok, enyiaaki sii taata enchoo rubat inchi eaku meitoria ꞉sipata e Nkai payie iakuku sinyat.

Rroman 6:19 Referans Kwoze

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

Rroman 3:5

Keidim ltung'ani neiparu ajo, <> Kukoino! Tanajo nchi, naa kairo ake ana neiko ltung'ana teneiro. Kore tanaa nejia etiu, aji naa eiko Nkai teneiguanare nkop?

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

Lgalatia 3:15

Lalachera lainien, kaicho ntae nkitanyanyukoto ee ltung'ana. Kore nkitujung'o naidipaki aimie, naa meatae hooyia ltung'ani oidim aibelekenya tanaa atoponu.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

Lburania 4:15

Amu mara laitainoni kitok la lasar lemeiseyie ꞉nchalan ang ikiata iyioo, kake ikiata ilo otetemaki too nkoitieii pooki ana natemitae iyioo, kake neitu eas ng'oki.

1 Lkorinto 9:8

Amaa kulo omon laimakita, loo ltung'ana ake ana nejia abaki ejo ꞉nkitanapat e Nkai?

1 Lkorinto 5:6

Keitorno inia kilacha inchi! Aa miyielolo ntae aajo kore nkini mukate naisiicho neisiichie mukate pooki?

Rroman 15:1

Kore iyioo oogol to nkurukoto, keichiaakino tiniking'iri nchalan ee lolo oaachal, namara ake payie kinting'id ate.

Rroman 8:26

Nejia sii eiko Ltau Sinyati teneretu iyioo ta nchalan ang. Amu kore inia nayiere payie kiomonu naa mikiyielo. Kake keomonoki iyioo ninye to nkoitiei nemelimunoi tee rerei.

Matayo 4:23

Nemanaa Yeso taatua Galilaya pooki, eiteng'enicho taatua Sinagogini, nelikoo Lomon Supati le nkitoria, neichiunyie nkeeyaitin pooki o moyianitin taatua ltung'ana.

Rroman 7:23

kake kadol nkae golon easicho taatua rubat ainien. Kore inia golon naa nkitanapat ee ng'ok. Kerare ninche nkitanapat naayieu mparrunot ainien neirukurukore, naitaa nanu rridik taabori nenia kitanapat natii rubat ainien.