Rroman 5:8 - Samburu

⁸ Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Rroman 5:8 Referans Kwoze

Yoana 15:13

Meatae nchaman nalang no ltung'ani oitai nkichui enye, tankaraki sotuatin lenyena.

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Rroman 5:6

Kore apa ewuon kira ltung'ana lemeitoki eidim, kore ta ng'amata naichiaakino, nenang ꞉Kristo ltung'ana lemeyanyit Nkai.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Yoana 3:16

Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Rroman 4:25

Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 3:5

Keidim ltung'ani neiparu ajo, <> Kukoino! Tanajo nchi, naa kairo ake ana neiko ltung'ana teneiro. Kore tanaa nejia etiu, aji naa eiko Nkai teneiguanare nkop?

Rroman 5:7

Melelek payie enang ꞉ltung'ani, ltung'ani loosipat, kake kebaki duaake netii ltung'ani oitieu atanang'a ltung'ani supat.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Rroman 8:39

namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lburania 8:3

Amu kore laitainoni kitok pooki la lasar naa ketegeluaki payie eichooyo nkichoorot o lasarri, naaku keyiere sii paa kore Kristo neata ntoki naichooyo.