Rroman 5:5 - Samburu

⁵ Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

Rroman 5:5 Referans Kwoze

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Lkorinto 1:22

Netegelua iyioo, nepik sii lminchire oitodolu ajo ikira lenyena, apik Ltau Sinyati atua ltauja lang ana sipsip ee mbaa pooki nikitum kenya.

1 Yoana 4:19

Ikichamicho amu ninye apa oatachama iyioo tekue.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Asat 2:33

Naa kore payie eiliepieki ninye metowuana ta nkaina e tetene e Nkai, neng'amaa ilo Tau Sinyati ta Papa oitayia apa lekutuk ajo keicharu, naa Yeso eing'uaa nenia nidolitata, nining'itoto.

Epeso 4:30

Emisinanie Ltau Sinyati le Nkai, laa ninye sipsip e lakunoto inchi kenya te inia parri.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Asat 2:17

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

1 Lkorinto 8:3

Kake kore ltung'ani oacham Nkai naa ilo tung'ani eyielo ꞉Nkai.

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

Asat 10:45

Kore tankaraki natining'o lolo Lyiaudi ooiruko Yeso ootuo tenebo o Petero ltung'ana lamara loo Yiaudi eiro too nkulie kutukie eisis Nkai, neing'asia payie edol aajo keichooki abaki ninche Ltau Sinyati ana nkichooroto. Nejo Petero,

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Rroman 9:33

Ana naigero ajo, <>

2 Lkorinto 13:14

Metaa munyani e Laitoriani lang Yeso Kristo o nchaman e Nkai Papa o nchula e Ltau Sinyati tenebo o ntae pooki.

1 Ltesalonike 4:8

Tankaraki inia, kore loany ana naa mara ltung'ani etanya, kake Nkai naicho ntae Ltau Sinyati.