Rroman 5:15 - Samburu

¹⁵ Kore ng'oki e Adam naa meitinyinyukieki nkichooroto e pecheu e Nkai. Amu kore tanaa keyewua ꞉ng'oki e ltung'ani obo lkiye loo ltung'ana pooki, kewuaa sa munyani o nkichooroto e pecheu naicho ꞉Nkai ltung'ana pooki te leng'on enye, aimu ilo ltung'ani obo, Yeso Kristo?

Rroman 5:15 Referans Kwoze

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Epeso 2:8

Amu eitejewua ntae Nkai te munyani enye to nkoitiei e nkurukoto, namara ntae eing'uaa inia kake nkichooroto naichoo ninye ntae pecheu,

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

1 Yoana 5:11

Naa ana inia sipata nchere keichoo iyioo Nkai nkichon nemeiting naa kore ana kichon naa atua Nkerai enye etii.

2 Lkorinto 9:15

Maichoo Nkai nache tankaraki inia nkichooroto enye kitok nemelimunoi!

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

Lburania 2:9

Kake ikidolita Yeso, oitodowuaki te nkiti kata aaitaa kini taa lmalaikani, etipikaki nkopiyia e sinyaticho o ne nkanyit amu ketumo mion ana metua, paa kore te munyani e Nkai neye anang ltung'ana pooki.

Yoana 4:10

Nejoki ꞉Yeso, <, anata itoomono iyie ninye, naa ikincho iyie ꞉ninye nkare e nkichui.>>

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Matayo 26:28

amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok.

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Asat 15:11

Mara nejia! Ikiruk iyioo aajo kore munyani e Laitoriani Yeso, naa ninye eitejeunyieki iyioo, naa ninye sii eitejeunyieki ninche.>>

2 Lkorinto 5:14

Naaku nchaman e Kristo naitore iyioo, amu ikitisiputua aajo ketanang'a ltung'ani obo ltung'ana pooki, naaku ketuata ltung'ana pooki.