Rroman 4:11 - Samburu

¹¹ Kore muratare, neng'amaa ana nkitodolunoto naitodolu sipata ajo kera apake loosipat to nkurukoto ewuon abaki eitu emurati, payie eaku ninye papa loo lolo pooki ooiruk neikeni ninche aajo loosipat, abaki memurata.

Rroman 4:11 Referans Kwoze

Rroman 3:22

Kore inia sipata e Nkai naa ketumi to nkoitiei e nkurukoto taatua Yeso Kristo, neichori lolo pooki ooiruk menya ajo ng'ae era.

Luka 19:9

Nejo ꞉Yeso, <

Lburania 11:7

To nkurukoto etecheta Noa meli aitejeu nkang enye. Keyanyita Nkai natilika ntoki nalotuta neitu aikata edoli. Kore te inia asata enye e nkurukoto neitodol nkop pooki ajo kedung'okini nkiguana, kake neaku ninye lobo lo loosipat oaata nkurukoto.

2 Lkorinto 1:22

Netegelua iyioo, nepik sii lminchire oitodolu ajo ikira lenyena, apik Ltau Sinyati atua ltauja lang ana sipsip ee mbaa pooki nikitum kenya.

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,

Epeso 4:30

Emisinanie Ltau Sinyati le Nkai, laa ninye sipsip e lakunoto inchi kenya te inia parri.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Lgalatia 6:16

Naa kore pooki oopoyie ana kitaarriyiana, ninche Isirael le Nkai, naa metamanyai ꞉seriani o lng'er.

Lgalatia 5:5

Amu ta Ltau o to nkoitiei e nkurukoto, kianyu iyioo ilo siligi oitabari aajo, keikenaki iyioo Nkai sipat.

Lgalatia 3:29

Naa tanaa irara ntae le Kristo, irara sii nkera e Abraam, nirara lajung'ok ana nejo lekutuk.

Lgalatia 3:22

Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.

Lgalatia 3:7

Naa iyielolo naa aajo, ltung'ana le nkurukoto oara nkera e Abraam.

Rroman 10:11

Kejo Lkigerot Sinyat, <>

Rroman 10:6

Kore naipirita inia sipata nayau sotua oipida o Nkai natumi te nkurukoto naa inji ejo Lkigerot, <, eji ayau Kristo abori

Rroman 10:4

Amu Kristo nkiting'oto ee nkitanapat, paa kore pooki ng'ae oiruk neikeni aajo loosipat.

Yoana 6:35

Nejoki ꞉Yeso, <

Mbolunoto 9:4

Nejokini payie meitarruoo nkujit e nkop tanaa ntoki pooki nanyori tanaa lcheni, mara ake ltung'ana lemeata lminchire le Nkai too nkomomi enche.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Rroman 9:30

Ikijuaa naa taata iyioo? Kore nikijo, naa nchere kore apa lkulie oreren leitu eyiaya neiko tenetum sipata natumie sotua oipida o Nkai, naa ketumo inia sipata. Naa kore inia sipata, naa nkurukoto eirichakino.

Rroman 9:6

Kake mara eji ketaa eitu ebaya rerei le Nkai, amu mara lolo pooki oaara le ichoi e Isirael oaara ltung'ana le Isirael oodede.

Yoana 8:33

Nejo ninche, <?>>

Yoana 6:47

Kajoki ntae sipata nadede, kore ilo oiruk naa keata nkichon nemeiting.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Matayo 16:16

Newoliki ꞉Simon Petero ajoki, <>

Matayo 8:11

Kake kajoki ntae, kepuonu lkumo eing'uaa neiliepunyie o nedoyierie ndama, newueni tenebo o Abraam o Isaka o Yakobo te nkitoria e chumata.

Rroman 9:33

Ana naigero ajo, <>

Yoana 3:33

Naa kore pooki ong'amaa inia limunoto, neiken ajo kesipa Nkai.

Rroman 4:10

Anu apa eikenaki ninye aajo loosipat? Ewuon eitu emurati ninye ana eidipaki aatumurat? Mara naa eidipaki aatumurat kake ewuon eitu emurati.