Rroman 3:22 - Samburu

²² Kore inia sipata e Nkai naa ketumi to nkoitiei e nkurukoto taatua Yeso Kristo, neichori lolo pooki ooiruk menya ajo ng'ae era.

Rroman 3:22 Referans Kwoze

Rroman 10:12

Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Lgalatia 2:16

Naa ikiyielo aajo meikenakini ltung'ani aajo loosipat tekue Nkai tankaraki nairukurukore nkitanapat, kake to nkoitiei e nkurukoto taatua Yeso Kristo eikenakini. Tankaraki inia, ikitipika sii iyioo nkurukoto ang atua ilo Aitejeunoni Yeso payie eikenakini iyioo sipat to nkurukoto taatua Kristo, namara tankaraki nikirukurukore nkitanapat e Musa, amu meatae ltung'ani oikenakini sipat teneirukurukore nkitanapat.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Lkolosae 3:11

Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,

Rroman 2:1

Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa.

Yakobo 2:23

Kore tankaraki natining'o ꞉Abraam Nkai, nebaya lolo Kigerot oojo, <>, neipoti sii aajo sotua le Nkai.

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

1 Lkorinto 4:7

Amaa, ng'ae likintaa iyie le tipat alang lkulie? Nyo iata iyie namara inia nikinchoo Nkai? Naa amaa tanaa ta Nkai itang'amayie ntoki pooki niata, aanyo payie iilach?

Rroman 9:30

Ikijuaa naa taata iyioo? Kore nikijo, naa nchere kore apa lkulie oreren leitu eyiaya neiko tenetum sipata natumie sotua oipida o Nkai, naa ketumo inia sipata. Naa kore inia sipata, naa nkurukoto eirichakino.

Luka 15:22

Nejoki ꞉papa lenye laisiaayiak lenyena,

Asat 3:16

Kore ngolon e nkarna e Yeso naa keitogolo ele tung'ani, liyielolo chiaake nidolitata taata netiu tankaraki nkurukoto e inia arna. Kore inia kurukoto, naa ninye naichiunyie ele tung'ani tekue ng'onyek inchi pooki katukul.

Asat 11:12

Naajoki Ltau Sinyati mairukurukore ninche maata lng'ach. Naairukurukore aitoki nanu kulo alachera ile, nikipuo aajing nkang e ilo tung'ani oirriwua ninche.

Rroman 1:17

Amu kore Lomon Supati, naa keibalunyie neiko Nkai teneicho ltung'ana sipata enye naicho metumo sotua oipida o ninye. Naa kore ng'asunoto o nkiting'oto naitabarieki ele sotua, naa nkurukoto. Ana nejo Lkigerot Sinyat nchere, <>

Rroman 4:16

Naaku nkurukoto naa ake eitacheyie lekutuk, payie eaku munyani e Nkai eirichakino, netum pooki ng'ae oata nkurukoto natuwuana naa Abraam sipata ajo ketum ilo lekutuk, namara te ilo apeny ooibung Nkitanapat, kake te ilo sii oiruk ana Abraam. Kera ninye papa loo iyioo pooki ooiruk,

Rroman 10:4

Amu Kristo nkiting'oto ee nkitanapat, paa kore pooki ng'ae oiruk neikeni aajo loosipat.

1 Lkorinto 12:13

Amu kore iyioo pooki, oo duaake kira loo Lyiaudi tanaa loo lkulie oreren tanaa rrindiki tanaa lamara rrindiki, keipatisaki iyioo pooki payie kiaku ilo sesen obo ta Ltau Sinyati, netubukokaki iyioo pooki ilo Tau Sinyati.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Lgalatia 3:22

Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.

Epeso 3:12

ilo laa taatua ninye ikiata nkitieunoto nikindim aaotunyie netii Nkai to nkurukoto, mikiata ngureticho.