Rroman 2:29 - Samburu

²⁹ kake kore ilo oara Lyiaudii odede, naa ilo oara ta ltau, naa kore muratare nadede naa inia muratare e ltau. Kore ilo omurat ltau, naa Ltau sinyati le Nkai mara sirat ee nkitanapat. Kore ilo tung'ani naa ta Nkai eng'amaa rrepet, namara too ltung'ana.

Rroman 2:29 Referans Kwoze

Lpilipi 3:3

Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

1 Ltesalonike 2:4

Kake kore apa eikenaka iyioo Nkai ajo ikira looisiligai te likoroto ee Lomon Supati, naa inia payie ikilikoo ana nikilikorita. Mikiro aaiting'id ltung'ana, kake payie kinting'id Nkai naaidim aing'urai ltauja lang.

1 Petero 3:4

kake enchoo sikar inchi eaku naa ltauja, inia sikar nemelioo nememutari, aa taa ltau oanana nebor, inia taa eiken Nkai ajo toki tekue ninye.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

2 Lkorinto 10:18

Amu mara ilo orrep koon etachamayieki, kake ilo otum rrepet ta Laitoriani.

Rroman 7:6

Kake kore taata ta mbata ee nkitanapat naitaa apa iyioo rrindiki, naa ikituata. Naa kore tankaraki nikituata, naaku ketalakauaki iyioo tee nenia kitanapat payie kitum aaisiaaicho to nkoitiei ng'ejuk e Ltau Sinyati, namara ta napa oitiei musana ee nkitanapat.

Rroman 2:27

Naaku kore lamara Lyiaudii kake neitabayie naayieu nkitanapat e Nkai, naa ikidung'oki kenya iyie nkiguana, iyie laa kore abaki ira Lyiaudii, nikitumurataki, niyielolo aitoki pooki naajo nkitanapat e Nkai, nigil ake eyia nenia kitanapat e Nkai.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

Yoana 12:43

Amu kore apa ninche, kecham rrepeta ee ltung'ana aaitalang ne Nkai.

Yoana 5:44

Aji inkoko ntae tinirukuruk ooichooro rrepeta maate, niminyoknyok aang'amaa rrepeta naaing'uaa Nkai, inia ake nabo nadede?

Luka 11:39

Nejoki ꞉Laitoriani ninye, <

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Yoana 4:23

Kake kelotuta nkata, neidipa ayeu, naa kore ꞉lolo osai Nkai te ndedei, naa kesai Papa ta ltau o te ndedei amu lolo oasai ninye aiko nejia eing'oru ꞉Papa.

Luka 17:21

namara naji, , tanaa , amu kore nkitoria e Nkai naa atua ntae etii.>>

Rroman 3:1

Naaku amaa, nyo kiret tinira Lyiaudii? Anaa nyo tipat nayau muratare?

1 Lkorinto 7:19

Mara muratare toki, namara sii toki teneitu kimurati, kake kore ntoki nara toki naa tinimbung nkitnanapat e Nkai.