Rroman 16:4 - Samburu

⁴ Kore apa ninche, ketachamaitie aanang nanu. Naa karrinyoki ninche nache, namara nanu apeny orrinyoki kake abaki nkanisani pooki ee loreren lamara loo Lyiaudi.

Rroman 16:4 Referans Kwoze

1 Yoana 3:16

Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.

Lpilipi 2:30

Amu kore tankaraki siaai e Kristo, ketipika koon nkue e larrabal ejo payie aaicho nanu reteto nimikindimdim ntae aaichoo.

1 Ltesalonike 2:14

Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae.

1 Lkorinto 16:1

Kore taa mbaa naaipirita nkuturrurroto ee ropiyiani tankaraki ltung'ana sinyat ootii Yerusalem, kayieu niasias ana natiaaka nkanisani ee Lgalatia.

1 Lkorinto 7:17

Kore eyia enchoo pooki ng'ae metowuana ana nategelaka ꞉Laitoriani payie eipot ninye ꞉Nkai. Naa ana taa nkitanapata ai taa nkanisani pooki.

Rroman 5:7

Melelek payie enang ꞉ltung'ani, ltung'ani loosipat, kake kebaki duaake netii ltung'ani oitieu atanang'a ltung'ani supat.

Asat 16:5

Nerrapai nenia anisani to nkurukoto, neponunye ltung'ana mparri pooki.

Asat 15:41

Nekirraa nkop e Siria o ne Kilikia, eitogolito nkanisani e inie.

Yoana 15:13

Meatae nchaman nalang no ltung'ani oitai nkichui enye, tankaraki sotuatin lenyena.

Mbolunoto 1:4

Naa nanu Yoana oigeroki ana nkanisani sapa naatii nkop e Asia: Metaa tenebo o ntae munyani o sotua oing'uaa Nkai, ilo otii taata, netii apake, nelotu kenya, neing'uaa sii ltauja sapa ootii tekue lorika lenye le nkitoo,

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.

Asat 15:26

ootipika ate nkue e larrabal tankaraki nkarna e Laitoriani lang Yeso Kristo.

Rroman 16:3

Eroroki Pirisila o Akuila naasita siaai le Kristo Yeso tenebo o nanu.

Rroman 16:5

Eroroki aitoki nkanisa nati nkaji enche, nirorokiki sii sotua lai lacham oji Epaneto, ilo oara ltung'ani lekue ta mbata e Asia oibelekenyakine Kristo tankaraki likoroto ai,