Rroman 16:23 - Samburu

²³ neiroroki ntae Gayo, ilo laa nkaji enye awuenie naa ta nkang enye sii etumo nkanisa pooki. Eiroroki ntae Erasito ilo oara laibung'ani loo ropiyiani e ele kerenket, neiroroki sii ntae lalache lang Kuarto.

Rroman 16:23 Referans Kwoze

1 Lkorinto 1:14

Kaicho Nkai nache eitu aipatis lobo linchi mara ake Kirisipo o Gayo.

Asat 19:22

Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.

2 Timoti 4:20

Etowuana Erasito te lkerenket le Korinto, natung'ayie Toropimo emuai te lkerenket le Mileto.

Asat 20:4

Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo.

Asat 19:29

Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye.