Rroman 16:21 - Samburu

²¹ Eiroroki ntae Timoti, oasicho tenebo o nanu, neiroroki sii ntae Lusio o Yason o Sosipita, oaara ltung'ana lo lorere lang.

Rroman 16:21 Referans Kwoze

Asat 20:4

Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo.

Asat 17:5

Neiput Lyiaudi lom, neipotu lkuti tung'ana torrok taatua lolo lemeitoki easita te inie. Naa kore payie eiturrurru ltung'ana, neing'olng'ol ilo kerenket. Nepuo aagil nkaji e Yason eing'oru Paulo o Silas taatua inie payie eya tekue ltung'ana.

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Rroman 16:11

nirorokiki Erodion, ltung'ani lo lorere lai, nirorokiki lolo tung'ana le nkaji e Naresiso, oaara la Laitoriani

Rroman 16:7

nirorokiki ltung'ana lo lorere lai, Andironika o Yunias o lolo ooteenaki tenebo o nanu, nera sii ltung'ana oaayanyiti taatua Lkipaareta, naa ketii apa ninche atua Kristo tekue nanu,

Lburania 13:23

Kayieu niyielouu aajo ketalakuaki lalache lang Timoti te jila. Naa kore tanaa kesieku alotu natii, nalotu aisabaki ntae tenebo o ninye.

1 Timoti 6:20

Timoti lai, irrita nenia pooki nikitipikaki nkaina. Talama nenia baa ena kop nemeata tipat o mbaa naapaachaa e sapare, naajo lkulie eji ng'eno,

1 Timoti 6:11

Kake kore iyie ltung'ani le Nkai, talama nenia pooki, ninyok aing'oru payie iaku ltung'ani loosipat, neyanyit Nkai, niaku loisiligai niata nchaman o ng'iriata o mborron.

1 Timoti 1:2

Kaairoroki iyie Timoti nkerai ai nadede taatua nkurukoto. Metaa munyani o lng'ur o seriani naing'uaa Nkai Papa o Kristo Yeso Laitoriani lang, tenebo o iyie.

2 Ltesalonike 1:1

Kore nanu Paulo o Silpanas o Timoti naa ikiroroki nkanisa ee Ltesalonike nawuon taatua Nkai Papa lang o Laitoriani Yeso Kristo.

1 Ltesalonike 3:6

Kake kore naa amu eyewuo taata Timoti nikitii eing'uaa nitii, neyaka iyioo lomon supati ooipirita nkurukoto o nchaman inchi, neitoki alimu nchere iparrurru chiaake iyioo to supaticho, iyieuu nidoldol iyioo oleng ana nikiyieu sii iyioo nikidol ntae.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

1 Ltesalonike 1:1

Kore nanu Paulo o Silpanas o Timoti, naa ikiroroki nkanisa ee Ltesalonike nawuon taatua Nkai Papa o Laitoriani Yeso Kristo, metowuana munyani o sotua taatua ntae!

Lkolosae 1:1

Kore ana palai naa keing'uaa Paulo, oara Lkipaaret le Yeso, ilo Aitejeunoni oanyutae apa tankaraki nayieu Nkai payie eaku, neing'uaa sii Timoti, lalache lang.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

2 Lkorinto 1:19

Amu kore nkerai e Nkai Yeso Kristo otilika ntae ꞉Silpanas o Timoti o nanu lomon lenyena, eitu elotu aaku <> o <> Kake taatua ninye eimie Nkai ntoki pooki ajo <>,

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

Asat 19:22

Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.

Asat 18:5

Kore payie edou Silas o Timoti te Makedonia, neirrachu Paulo eitayia koon aliki Lyiaudi sipat nchere kore Yeso naa ilo Aitejeunoni oanyutae oji Kristo.

Asat 17:14

Kore ake inia kata neisigie ꞉lolo ooiruko Kristo Paulo mechomo ana metabaki nchepata e mpaso, kake neisiadu Silas o Timoti te Berea.

Rroman 9:3

Oi siake duo aa nanu edeki naaitaini taatua Kristo, matanang'a lalachera o nkanachera e lorere lai,