Rroman 16:18 - Samburu

¹⁸ Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae.

Rroman 16:18 Referans Kwoze

Lkolosae 2:4

Najo kuna payie meata ltung'ani osap ntae tee rereii oomelok le sapare.

Lpilipi 3:19

Kore nkiting'oto enche naa mutai, nera nkochuaa enche nkai enche, naa kore mbaa e nkurruna naa ninche eikarrie, neparraa ake mbaa e ana kop.

Matayo 7:15

<

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

Yuda 1:16

Kore kulo tung'ana naa kecham aaing'unyung'unya nemeitoki naitiemu, neirukurukore ng'uarrat enche torrok, neikarrie ate, neitemelok nkutukie payie etum inia nayieu.

2 Ltesalonike 2:10

o sapare pooki e ntorroni too lolo ooidaari te nkiminata, amu ketanya echamaa ndedei payie eitejeuni.

Yuda 1:12

Kore kulo tung'ana naa soito oopi ooricho le atua nkare. Lolo laa kore too sukukuuni linchi nedaa tenebo o ntae meata nkanyit, aa ate aapeny eing'or. Kera nkidis nemecha naya siwuo, nera sii lkeek lemeata lng'anayio nkata e ndung'ore, ootuata katare netodotunyie taa ntana.

Lpilipi 2:21

Kore lkulie tung'ana pooki naa mbaa enche ake enyok aayiaya, kake mara payie eas naayieu Yeso Kristo.

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

Rroman 16:19

Kake keyielo pooki ng'ae ajo ining'ining ntae Lomon Supati, naa ikinting'idita nanu te inia. Kayieu niatata ntae ng'eno taa mbaa supati, niakuku lemeata ntioto taa mbaa torrok.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Matayo 24:11

Naa keipung'u loibonok kumo le sapare, nesap lkumo.

Matayo 6:24

<

Mbolunoto 1:1

Ana eitoduaa ꞉Nkai Yeso Kristo, aicho meeiteyielo laisiaayiak o nkaisiaayiak enyena inia naa meata ajo measai ta nkata nataana. Neirruaaya ꞉Kristo lmalaika lenye, aiteyielo laisiaayiani lenye oji Yoana ilo kilikuai.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Yakobo 1:1

Kore ana palai naa nanu Yakobo, oara laisiaayiani le Nkai o la Laitoriani Yeso Kristo eing'uaa. Kairoroki lolo mareita tomon o oare oaatasachayieki aasachaki atua loreren.

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.