Rroman 15:19 - Samburu

¹⁹ o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

Rroman 15:19 Referans Kwoze

2 Lkorinto 12:12

Kataasa siaai lai pooki te ng'iriata taatua ntae, naa kore mbaa naaitodolu aajo kara lkipaaret odede le Yeso, naa mbaa naataasa Nkai taatua ntae. Ketaasa mbaa naaing'asicho o naaitodolu ngolon enye.

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Lgalatia 3:5

Amaa ꞉ilo oicho ntae Ltau neas mbaa e nking'asia taatua ntae, keas nenia tankaraki nimbung'utata nkitanapat ana tankaraki iruko ilo rerei litining'o?

2 Timoti 4:17

Kake kaatereto Laitoriani naaicho ngolon payie atum aidipa likoroto ai ee Lomon Supati, netum loreren pooki aatining. Naaku, aaitayiaki to nkutuk e lowuoru.

Asat 20:6

Kore payie eichunye ntasim ee mukateni nemeisiichieki, nikinyuototo te Pilipi aalang mpaso, nikipuo mperot imiet ana matabaki Tiroa netii lolo tung'ana ooituruko tekue iyioo. Nikibik teinie mperot sapa.

Asat 17:10

Kore ake inia kuarie, neisigie ꞉le Kristo Paulo o Silas mechomo Berea. Kore payie ebaya inie, nepuo aajing atua Sinagogi.

Asat 20:20

Niyielolo sii aajo meatae hoo ntoki naata tipat taa ntae naisudoyie. Kore tekue ltung'ana pooki o taa nkang'itie inchi naa katilikoyie naiteng'eniche Lomon Supati le Nkai,

Asat 19:1

Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni

Asat 18:19

Kore payie ebaya ninche Epeso neing'uaa Prisila o Akuila, nelo ninye ajing sinagogi neirorie Lyiaudi.

Asat 18:1

Kore tesiedi inia, neinyuototo Paulo ta Aten nelo Korinto.

Asat 17:15

Kore ꞉lolo ootiriko Paulo nerik ninye aaitabaki lkerenket le Aten. Neitanap ꞉Paulo ninche lkilikuai oyaki Silas o Timoti metesieku aapuonu netii ninye. Nechuko ninche aapuo Berea.

Asat 16:18

Neas ana too mperot kumo ana metogoroi Paulo, neiwuatuwuatakino ilo oirirua nejoki, <> Kore ake inia kata neipung.

Asat 15:12

Kore inia kiguana pooki negira ajo tau aainining Barnabas o Paulo enyau mbaa pooki naataasa Nkai taatua loreren, aasichere ninche metaasa asat naaitodolu nkitoo enye o mbaa e nking'asia.

Asat 14:25

Kore payie eidip aatilikoi Lomon Supati te lkerenket le Perga otii inie, nedoyio aapuo lkerenket le Atalia.

Asat 14:20

Kake kore payie epuonu looiteng'eni aaigilu ninye, neinyuototo nerrinyo alo ilo kerenket. Neikenyu nelo o Barnabas, lkerenket le Derbe.

Asat 14:10

Nebuaaki ajoki, <> Nejo dum, neng'asu alo.

Asat 14:6

Kake kore payie eyielou inia, neisig aaya ltauja lenche, nepuo lkerenket le Lisitira o Derbe o nkopi naamanita inie, naatii mbata e Likaonia,

Asat 13:51

Neipiripiroki Paulo o Barnabas nkop nterit ee nkejek enche enang'aki nkaik, nepuo lkerenket le Ikoniam.

Asat 13:14

Nelo Paulo o Barnabas te lkerenket le Perga oitokini sii aajo Antiok e Pisidia. Kore mparri e Sabato nepuo Sinagogi nejo siap aawueni.

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Yoana 4:48

Nejoki ꞉Yeso, <>

Matayo 12:28

Kake tanaa kaaraa nanu lairiruani ta Ltau le Nkai, naaku eidipa nkitoria e Nkai ayeu nitii ntae.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

Lkolosae 1:25

Kataa nanu laisiaayiani le nkanisa. Naa kore naikuna paaku naa Nkai naichoo siaai maiteyielo ntae rerei lenye katukul.

Rroman 15:24

kaisilig ajo kaisabaki ntae aimaa aloito Sipein, nawuon tenebo o ntae peneu ang'idakino mboita inchi, kore tesiedi inia nikintanapnap machomo kue to lototo ai.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 15:16

mataa laisiaayiani le Kristo Yeso payie atum atabaki ltung'ana loo loreren, nalikoo Lomon Supati ana neas laitainoni la lasar teneitai lasar, payie eaku ltung'ana loo loreren nkichooroto nang'amaa ꞉Nkai, eitisinyaki to ngolon e Ltau Sinyati.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.