Rroman 15:1 - Samburu

¹ Kore iyioo oogol to nkurukoto, keichiaakino tiniking'iri nchalan ee lolo oaachal, namara ake payie kinting'id ate.

Rroman 15:1 Referans Kwoze

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

Rroman 14:1

Kore ltung'ani oachal to nkurukoto entang'amai ninye, kake eminchankarrare te inia nadol ninye ajo keichiaakino.

1 Lkorinto 9:22

Kore apa atii tenebo o lolo oaachal to nkurukoto, naya koon ana netiu ninche payie atum ateyietu ninche netii Kristo. Naaku katonyua nanu ayiaya nkoitiei naning'ore ltung'ana pooki payie ebaki ake naitejeu lbata lenche.

1 Yoana 2:14

Naigeroki ntae loo papa, amu iteyieloutua ilo otii ta ng'asunoto. Naigeroki ntae lbarnot, tankaraki igolgol, netii rerei le Nkai atua ntae, nitimira ilo torno.

2 Timoti 2:1

Naaku kore naa iyie nkerai ai, togolo taatua munyani natumi taatua Kristo Yeso.

Rroman 4:20

Neitu etum lng'ach ajo kebaki nemebaya lekutuk le Nkai atuwuana ltung'ani lemeiruk Nkai, kake keitogoloki to nkurukoto enye eicho Nkai nkisisa.

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

2 Lkorinto 12:10

Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

1 Lkorinto 4:10

Kedol iyioo nkop ana lmada tankaraki Kristo, nedol ntae tana ltung'ana lenyena ng'eni! Nedol iyioo ana loaachal, nedol ntae ana loogol! Keyanyit ntae, nemen iyioo.

Rroman 14:2

Keata lobo nkurukoto nanyaiyie ntokitin pooki, kake kore ilo oachal naa mpukai ee mbene aapeny enya.

Lpilipi 2:4

Nchoo pooki ng'ae taa ntae metaa mara mbaa enyena ake eparraa, kake nchoo sii eparraa noo lkulikae.