Rroman 14:23 - Samburu

²³ Kake kore ilo oata lng'ach tenenya ntoki, neiguanareki amu meirichakino inia naasita nkurukoto. Kore ntoki pooki namara nkurukoto eirichakino, naa ng'oki.

Rroman 14:23 Referans Kwoze

Lburania 11:6

Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.

Tito 1:15

Kore mbaa pooki naa keichiaakino tekue Nkai too ltung'ana ooituko nera supati, kake kore too lolo oaatarroitie nemeiruk naa meatae ntoki naichiaakino tekue Nkai. Kore abaki mparrunot enche o nkidimata namusunyie ntoki supat o ntorno naa ketarroitie.

1 Lkorinto 8:7

Kake mara pooki ooyielo ana sipata. Ketii ltung'ana ootomoo esai apa nkaitok e sapare, naaku ewuon eya inia daa nanyaita ana ndaa naitakaki nkaitok e sapare, neitanyamal ꞉inia ltauja lenche oaachal.

Rroman 14:5

Keatae ltung'ani odol mparri nabo ajo ne tipat alang nkae, neatae lodol ajo kerisio mperot pooki, enchoo metaa meatae ltung'ani lemesip taa mparrunot enyena inia natoduaa ajo kedede.

Rroman 13:2

Naaku kore ilo oibooyo inia kitoria, naa ntoki natipika ꞉Nkai eibooyo, naa kore loaas inia netum ꞉nkiguana.