Rroman 14:2 - Samburu

² Keata lobo nkurukoto nanyaiyie ntokitin pooki, kake kore ilo oachal naa mpukai ee mbene aapeny enya.

Rroman 14:2 Referans Kwoze

1 Timoti 4:4

Amu kore ntoki pooki naitibira Nkai naa keisupat, nemeata ntoki naanyi teneng'amari ta nache,

Rroman 14:14

Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Lgalatia 2:12

Amu kore ewuon eitu epuonu lkulie Yiaudi eing'uaa netii Yakobo, naa kenya ninye ndaa tenebo o ltung'ana loo loreren. Kake kore pee epuonu, nerrinyo siedi, neorore ꞉ninye ninche eurie lturrur loo loomurata.

Lburania 9:10

Kore nenia tokitin, neipirita ake ndaki naanyae o ntokitin naaichiaakino nemati o nkulie tasimi naanyae aaitibirichiere, naa keti ake ana metabau nkata naiteng'ejuk Nkai ntokitin.

Tito 1:15

Kore mbaa pooki naa keichiaakino tekue Nkai too ltung'ana ooituko nera supati, kake kore too lolo oaatarroitie nemeiruk naa meatae ntoki naichiaakino tekue Nkai. Kore abaki mparrunot enche o nkidimata namusunyie ntoki supat o ntorno naa ketarroitie.

1 Lkorinto 10:25

Naaku tama ake nkiri pooki naamiri to ng'oji nemirichiereki mimparu aitanyamal ltau lino.

Rroman 14:1

Kore ltung'ani oachal to nkurukoto entang'amai ninye, kake eminchankarrare te inia nadol ninye ajo keichiaakino.

Rroman 14:20

Mintarruoo siaai e Nkai tankaraki ndaa. Kedede keisupati ntokitin pooki, kake keitorno to ltung'ani oanya ndaa eitanyamal koon.

Rroman 15:1

Kore iyioo oogol to nkurukoto, keichiaakino tiniking'iri nchalan ee lolo oaachal, namara ake payie kinting'id ate.

1 Lkorinto 8:9

Errita naa ate oleng payie meaku ake ꞉inia lakunoto inchi ninyiayieyie ndaa naitarruo lolo oaachal to nkurukoto.

1 Lkorinto 9:22

Kore apa atii tenebo o lolo oaachal to nkurukoto, naya koon ana netiu ninche payie atum ateyietu ninche netii Kristo. Naaku katonyua nanu ayiaya nkoitiei naning'ore ltung'ana pooki payie ebaki ake naitejeu lbata lenche.