Rroman 14:15 - Samburu

¹⁵ Tanaa keitanyamal lalache anaa nkanache ino ꞉ntoki ninya, naaku merokure iloito to nkoitiei e nchaman. Mincho ntoki ninya eiminie ilo laa ninye etanang'a ꞉Kristo,

Rroman 14:15 Referans Kwoze

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

1 Lkorinto 8:1

Kore taa mbaa naaipirita ndaa naitakaki nkaitok e sapare naa kesipa nchere, ikiyelo pooki sipata e ana bae. Kore ng'eno naa keilachie ltung'ani, kake kore nchaman neitogol lkulie.

Rroman 15:2

Meatae lobo lang lemeyiere neiting'id likae eitaas supat payie erreten ninye.

Rroman 14:20

Mintarruoo siaai e Nkai tankaraki ndaa. Kedede keisupati ntokitin pooki, kake keitorno to ltung'ani oanya ndaa eitanyamal koon.

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

1 Lkorinto 13:1

Kore tanaa kairo nkutukie naairo ltung'ana o naairo lmalaikani namaata nchaman, naaku nchi atuwuana senkei nairu tanaa ltuala oiru.

Rroman 13:10

Kore nchaman naa meitaas likae tung'ani ntoki torno, naaku keitabaya ꞉nchaman nkitanapat.

2 Petero 2:1

Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.