Rroman 12:7 - Samburu

⁷ Kore ilo oata nkichooroto e nkisiayiare, nchoo eisiaaichiere inia kichooroto. Kore laiteng'enani nchoo eiteng'enichiere nkichooroto enye.

Rroman 12:7 Referans Kwoze

Epeso 4:11

Naa ninye oitaa lbata lkipaareta, neitaa lkulie loibonok, neitaa lkulie lalikorok loo Lomon Supati, neitaa lkulie lchekuti le nkanisa, neitaa lkulie laiteng'enak,

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

1 Timoti 5:17

Kore lolo payiani oorikorita nkanisa aaitibiraki naa keichiaakino neichori nkanyit neitokini aalak, nelus lolo oonyok aalikoo rerei le Nkai, neiteng'enicho.

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

2 Timoti 2:24

Naa kore laisiaayiani la Laitoriani meyiere payie enya larrabal, kake payie eaku ltung'ani oibor ocheke to pooki ng'ae, nera laiteng'enani supat, neata ng'iriata.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

1 Timoti 4:16

Toduaa koon o nkiteng'ena ino, niwuon taatua nenia baa, amu kore tinias nejia, naa intejeu koon o lolo likining iyie.

1 Timoti 3:2

Keyiere naa, neaku larikoni ltung'ani lemeata nakurrieki, lpayian oyema ntomononi nabo ake, neipidari, netemu mbaa, neata nkanyit, neitoomonicho, neyielo aiteng'enicho,

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

Lkolosae 4:17

Entiliki Arkipo aajoki, <>

Lgalatia 6:6

Kore ilo oiteng'eni rerei, nchoo metang'arie ꞉ninye laiteng'enani lenye mbaa pooki supati.

1 Lkorinto 12:28

Kore ta nkanisa enye, naa ketegelua Nkai ltung'ana lbata metaa, kore lekue naa lkipaareta le Yeso, kore le oare naa loibonok le Nkai, kore le okuni naa laiteng'enak le nkanisa, neitoki agelu lkulie metaa loaata ngolon naasie mbaa e nking'asia, o loaata ngolon naichiunyie ltamoyia, o loaata nkidimata naretichiere, o loaata nkichoorot e rikore o loiro too nkulie kutukie.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Asat 20:20

Niyielolo sii aajo meatae hoo ntoki naata tipat taa ntae naisudoyie. Kore tekue ltung'ana pooki o taa nkang'itie inchi naa katilikoyie naiteng'eniche Lomon Supati le Nkai,

Asat 6:1

Kore eponunye looiteng'eni tee nenia perot, neichankarra Lyiaudi ooiro nkutuk ee Lgirriki o Lyiaudi ooiro nkutuk ee Lburania. Amu kore mperot pooki, naa keorokini ltung'ana ndaa, nejoito lolo ooiro nkutuk ee Lgirriki meichoritae aaitibiraki nkoilia enche ndaa.

Yoana 3:2

Nelo ninye nkuarie nabo netii Yeso nejoki, <>

Matayo 28:19

enchom naa entaa lochon pooki looiteng'eni lainien, impatisasa ninche ta nkarna e Papa o ne Nkerai o ne Ltau Sinyati,

1 Lkorinto 12:5

Neatae nkoitieii naapaapaacha naaisiayieki Laitoriani, kake lobo ake ninye.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.