Rroman 12:2 - Samburu

² Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Rroman 12:2 Referans Kwoze

1 Petero 1:14

Kore tankaraki nirara nkera e Nkai naaning'icho, emirubare naapa ng'uarrat inchi torrok nirukurukorere apa ewuon miyielolo ninye.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Lkolosae 3:10

ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.

Epeso 5:17

Naaku naa emiaku lmada, kake entining'u nayieu Laitoriani.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

Rroman 12:1

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Yoana 15:19

Tanaa le nkop irara, anata echam ntae, eji atuwuana lenyena irara. Kake mirara lenyena amu kategelua ntae tana kop. Inia dei payie eiba ntae nkop.

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

Tito 3:5

neitejeu iyioo, namara tankaraki nikitaasa sipat, kake tankaraki lng'ur lenye. Keitejewua iyioo to nkutuko natiunyieki iyioo nkata e are, neiteng'ejuk iyoo ta Ltau Sinyati,

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

Yoana 17:14

Kaichoo ninche rerei lino, neibayie ꞉nkop ninche tankaraki namara lena nkop, ana namara nanu lena nkop.

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

Yakobo 1:27

Kore yielounoto e Nkai naiken ꞉Nkai Papa lang ajo kedede, naa inia nairrita nkera okichono o nkoilia tee sinaitin lenche, neirrita koon payie mejing atua ntorroni nati nkop.

1 Yoana 3:13

Eming'asia lalachera lainien tanaa keiba ntae nkop.

1 Ltesalonike 4:3

Naa ana yieuna e Nkai, nchere iakuku loosinya payie ilamlam loloito pooki,

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

2 Petero 2:20

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Lgalatia 1:4

Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

1 Lkorinto 3:19

Amu kore inia najo ltung'ana ng'eno tana kop naa madai ta Nkai. Ana nejo Lkigerot Sinyat nchere, <>

Rroman 7:22

Amu kang'idakino nanu taatua ltau lai nkitanapat e Nkai,

Yoana 7:7

Meidim nkop aibai ntae, kake kaaiba nanu amu kalimu sipata naipirita ninye ajo, kore mbaa naas naa keitorrok.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

1 Petero 2:3

amu itoduaa aajo keisupat Nkai.

Rroman 7:12

Kore tankaraki inia, keisinyat nkitanapat e Nkai, naa kore nkitanapata enye, nera sinyati nesipa nera supat.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

1 Petero 1:18

Eitu eitami ntae ropiyiani tanaa masaa naaichunye, aalakunyie taa mbaa inchi nemeata tipat naaitarasakita ntae lmakui linchi,

Yoana 14:30

Merekure airorie ntae mbaa kumo, amu kelotuta ilo oitore ana kop. Meata ninye ngolon ta nanu,

Rroman 7:14

Ikiyielo nchere kore nkitanapat naa ne Nkai, kake ltung'ani ake ara nanu, naaitaaki rrindik loo ng'ok.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Matayo 13:22

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Marko 4:19

kake kore pee ejing ꞉mbaa e ana kop o mpong'ori e parakuoicho o lng'uarra loo nkulie tokitin ltauja, neiding'aki, negor ilo rerei metaa meiu lng'anayio.

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,