Rroman 12:16 - Samburu

¹⁶ Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Rroman 12:16 Referans Kwoze

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

Lburania 13:5

Emiaku ltung'ana oaata lubo ee ropiyiani, enchoo eitiemu ntae ntoki niatata amu ketejo Nkai, <>

Rroman 15:5

Meichoo ntae Nkai naa ninye eing'uaa ng'iriata o rreten entum mparrunoto nabo ana inia naata Kristo Yeso,

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

1 Lkorinto 3:18

Emisap ate! Kore tenetii lobo linchi ojo keing'en tana kop, oi eng'as aaku lmadai payie etum ng'eno nadede.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Luka 14:13

Kake tininya iyie sukukuu, ntoomono loomena o lng'ojinia o lootigiligilete o lmodook,

1 Lkorinto 8:2

Kore ilo ojo keing'en, naa ewuon ake meyielo inia sipata naichiaakino payie eata.

1 Lkorinto 6:5

Kajoito taa nchi payie enya ntae anyit. Aijo meatae hoo ltung'ani ng'en taatua ntae oidim aiguanare lalachera o nkanachera naata larrabal, nedung'oki nkiguana?

Lpilipi 4:2

Kajoki Ewodia o Sintek, metining'oto taatua Laitoriani.

1 Lkorinto 4:10

Kedol iyioo nkop ana lmada tankaraki Kristo, nedol ntae tana ltung'ana lenyena ng'eni! Nedol iyioo ana loaachal, nedol ntae ana loogol! Keyanyit ntae, nemen iyioo.

Luka 6:20

Neapu Yeso nkonyek, neing'or looiteng'eni lenyena nejoki, <

Matayo 26:11

Kore laisinak naa icheche ake aata tenebo o ntae, kake mikicheche aata nanu.

Matayo 11:5

Etodolichete lmodook, epuo lootigiligilete tee nkejek, eichiunyieki loata moyian ee lbolot, etining'ichete lming'anak, naa keitipiutae lootuata, nelikini laisinak Lomon Supati.

1 Petero 5:3

Nimimbookiki lolo ootipikaki nkaik inchi nkop, kake entaa nkitanyanyukoto supat naduaaya ninche.

Lpilipi 3:16

Kore nayiere naa tinikipuo kue kimbung inia nikindipa aateyielo.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

1 Lkorinto 1:10

Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

Asat 4:32

Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo.

3 Yoana 1:9

Kaigeroka sii nkanisa mbae, kake kore Dioterepes oacham ailiepie koon teinie, naa meng'amaa iyioo.

Rroman 6:2

Nakaiting'o! Kore ta mbata e ng'oki naa ikituata, metaa merekure eata nkitoria tee iyioo, naaku aji aitoki kinko tinikiwueni taatua ng'ok?

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!