Rroman 12:11 - Samburu

¹¹ Nimichalulu, kake entaa loaata yieuna ninyokiekie taa ltauja, nisiaisiai Laitoriani.

Rroman 12:11 Referans Kwoze

Asat 18:25

Naa keiteng'enaki apa taatua nkoitiei e Laitoriani, neiteng'enicho te nyuata mbaa naaipirita Yeso aaiririki, abaki aa nkipatisare e Yoana apeny eyielo.

1 Petero 4:8

Kore nalang pooki, entachamata katukul, amu kejutoo ꞉nchaman ng'ok kumo.

Lburania 12:28

Naaku kore amu iking'amaa inia kitoria nemeigusugus, maichoo naa Nkai nache. Naa kore kiata nache, maisiaayia ninye to nkoitiei naiting'id ninye, kincho nkanyit nikiurie.

Epeso 4:28

Nchoo metaa meitoki ilo opurruchio apurrucho, kake nchoo eisiaaicho taa nkaik enyena, aas siaai supat payie etum atang'arie ilo otong'orika.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

Asat 20:19

Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua.

Matayo 24:12

Naa kore tankaraki natoponari ntorrok, neiropiju nchaman ee lkumo.

1 Timoti 5:13

Kore aitoki, neitomok ninche ate wuanata e pecheu erukurukoo nkajijik. Tapala duo abaki inia wuanata enche e pecheu, kake keitoki aaku nkaimeteteelok, neyieu neyielou mbaa namara nkunenche, neiro mbaa nemeyiere payie eiro.

Mbolunoto 2:4

<<

Lkolosae 4:1

Lokutuaa, entaasa rrindiki linchi nairirikino o naasipa, iyielolo sii ntae aajo iyatata Lkitok te chumata.

1 Lkorinto 7:22

Amu kore ltung'ani oipoto ꞉Laitoriani era rrindik, naa ltung'ani otalakua ꞉Laitoriani. Nejia sii etiu, kore ltung'ani lamara apake rrindik payie eipoti naa rrindik le Kristo taata.

Matayo 25:26

Kake newoliki ꞉lkitok lenye ajoki,

Yakobo 5:16

Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae. Kore nkomono e ltung'ani loosipat naa keata ngolon oleng.