Rroman 11:25 - Samburu

²⁵ Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Rroman 11:25 Referans Kwoze

Luka 21:24

Kore lolo tung'ana naa kemuti ta lalem, neibung'i, neyae atua lochon. Naa kore Yerusalem near ꞉loreren aaidach, ana meichunye ng'amat ee loreren.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Mbolunoto 10:7

Kore payie ebau nkata nakut lmalaika le sapa mowuo, neitabaya Nkai inia kipirte enye apa naisudoro, ana natilika apake laisiaayiak oibonok lenyena.>>

Mbolunoto 7:9

Kore aitoki payie eich nenia baa, nadol lturrur kitok, lemeata ltung'ani oidim aikena, eing'uaa nkopi pooki o loreren pooki o lochon pooki o nkutukie pooki naairori, eitachoo tekue lorika le nkitoo o tekue Lkuo leker. Neichopito pooki nkilani naaibor, neibung'uta sura e lcheni oji ltunkai taa nkaik enche.

Epeso 3:9

nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.

Mbolunoto 11:15

Nekut lmalaika le sapa mowuo enye, naning ltoilochi oobuak eing'uaa chumata ejo, <>

2 Petero 3:8

Kake emirikino ltung'ana lainien lacham ana toki nabo, nchere kore ta Laitoriani mparri nabo, naa ketuwuana larin nkalup nabo, naa kore larin nkalup nabo netuwuana mparri nabo.

1 Lkorinto 10:1

Lalachera o nkanachera ainien, kayieu niyielouu mbaa naaimaitie apa lmakui lang te lkees. Ketirripo ꞉nkidis ninche pooki, nelang mpaso Nanyiekie tee nkejek.

Rroman 1:13

Kayieu niyielouu lalachera o nkanachera aajo mara nkata nabo atanape alotu nitii, kake naaiboori ana metabaki taata. Kore payie ayieu nalotu nitii, naa payie etum Lomon Supati lalikorita aatiuu lng'anayio taatua ntae, ana payie etiutua too lkulie oreren.

1 Lkorinto 12:1

Lalachera o nkanachera ainien, kore taa mbaa naaipirita nkichoorot naaicharu Ltau Sinyati, mayieu naaku meitoki iyielolo.

Matayo 13:11

Newoliki ꞉Yeso ninche ajoki, <

Yoana 10:16

Kaata sii nkulie kerra namara nana boo, naa kariku ninche, nening ltoilo lai, neaku mboo nabo naata lchekut obo.

Rroman 9:18

Naaku naa, keing'urrie ilo oyieu ꞉ninye neing'urrie, neitogol nkue e ilo oyieu neitogol.

Rroman 11:12

Kore tankaraki neitu eiruk ninche, netum nkop pooki mayian, neaku inia ng'orikinoto enche dupoto too ltung'ana lamara loo Lyiaudi. Kewuaa sa mayian natumi, tenechukunyie Isirael pooki aairuk Yeso!

Rroman 11:24

Amu amaa tanaa ikiteng'eruaki iyie te ilo ng'erriyioi oara apake le ntim, nikirubakini ilo ng'erriyioi otuunoki leitu apake ibulunyie, kebaa sa elelek tenerubakini nenia sura lng'erriyioi laa ninye apake etubulunyie?

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Epeso 4:18

Kore mparrunot enche naa naimin, nelakuaniki inia kichui naicharu Nkai, tankaraki nemeitoki eyielo negol kuechi.

Mbolunoto 1:20

Kore naa mbae naisudoro naipirita lolo akir sapa litoduaa ta nkaina ai e tetene o nenia tokitin sapa naaitibirunyieki saabu neitacheyie lkilang'ilang'eta naa ana: Kore lolo akir sapa naa lmalaikani lee naaduo anisani sapa, naa kore nenia tokitin sapa naaitibirunyieki saabu neitacheyie lkilang'ilang'eta naa nenia anisani sapa.>>