Rroman 1:28 - Samburu

²⁸ Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

Rroman 1:28 Referans Kwoze

Rroman 1:21

Amu kore abaki eyielo Nkai, eitu eyanyit ninye ana Nkai anaa eicho nache, kake kore enyok aaparraa mbaa, nepong'ori ninche, neitimisimisi mparrunot enche naamada.

Tito 1:16

Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.

Rroman 1:24

Kore tankaraki inia, neichooyo ꞉Nkai ninche meeirukurukore ng'uarrat ee ltauja lenche payie ejing atua mbaa nemeichiaakino, neitala seseni lenche nkanyit maate.

2 Timoti 3:8

Kore ana apake naibooitie ꞉Yanes o Yameres Musa, eibooitie sii kulo lewa ndedei, netarroitie mparrunot enche neitong'orita nayieuni to nkurukoto ang.

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

1 Lkorinto 15:34

Erracha ate niparrichocho aaitibiraki, nipalpal nkoitieii inchi ee ng'ok, amu meata lbata linchi yielounoto e Nkai, naa anyit inia taa ntae.

Rroman 1:18

Amu keibalunyieki ngoro e Nkai erere mbaa pooki naaitodolu aajo meurie ꞉ltung'ana Nkai o ntorroni pooki ee ltung'ana ooiboorie ntorno enche ndedei.

Epeso 5:4

Emincho sii metaa keti atua ntae morore anaa rerei le madai o lderrat lemeiririkino. Kore kuna naa meiririkino ntae, kake kore nayiere naa payie inchocho Nkai nache.

Rroman 1:26

Kore tankaraki inia, neichooyo ꞉Nkai ninche meirukurukore ng'uarrat enche e anyit. Kore ng'orio enche neitapaachita mboita e sesen naatae apake o mboita e sesen nemeyiere neasi.

2 Petero 3:5

Kore epuoito kue ejo nejia, nerikino aajo rerei le Nkai oyewua metaa keatae loing'ang'e o nkop naing'uaa nkare, neitibiraki ta nkare.

Pilemon 1:8

Kore tankaraki inia, abaki duo aitieu atiaki taasa mbaa naaichiaakino nias taatua Kristo, maajoki taasa.

2 Lkorinto 10:5

nemeatae nkilacha nailiepunyie koon aibooyo ltung'ana payie meyielou Nkai, nimikindakie. Nemeatae inia naparraa ltung'ani nimikumbung, metining'o Kristo.

Asat 17:32

Kore payie ening ꞉ninche Paulo eimakita mbaa naipirita mpiunoto taatua lootuata, neikordod lkulikae lenche kake nejo lkulie, <>

Asat 17:23

Naa kore aisabita tene aing'uraa nkitanyanyukot ee nkaitok, nadol abaki lperere la lasar oata lkigerot oojo, Kore naa inia ai nisaitata nimiyielolo naa kaliki taata ntae.