Rroman 1:26 - Samburu

²⁶ Kore tankaraki inia, neichooyo ꞉Nkai ninche meirukurukore ng'uarrat enche e anyit. Kore ng'orio enche neitapaachita mboita e sesen naatae apake o mboita e sesen nemeyiere neasi.

Rroman 1:26 Referans Kwoze

Yuda 1:7

Kore sii apa Sodom o Gomora o lkerenketi oonyikita, naa nejia etaasa ninche tana laaduo malaikani. Ketaasa ninche loloito, neitoki aairukurukore ng'uarrat aas ntabo to mboita e sesen. Neaku apa ninche nkitanyanyukoto amu ketudung'okaki nkiguana e nkima ee ntarasi.

1 Timoti 1:10

Neitayiaki sii tankaraki ltung'ana oaas loloito o lewa oaas loloito o lkulie lewa o loomir ltung'ana metaa rrindiki o lolo oaasapicho o lolo oaanya lmumai le sapare o nkae toki pooki napaachere nkiteng'ena nadede.

Rroman 1:24

Kore tankaraki inia, neichooyo ꞉Nkai ninche meeirukurukore ng'uarrat ee ltauja lenche payie ejing atua mbaa nemeichiaakino, neitala seseni lenche nkanyit maate.

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

Epeso 4:19

Ketuata ninche seseni, netapalikita ate mbaa pooki e anyit, paa kore te lubo enche nedoki mbaa pooki torrok.

Epeso 5:12

amu anyit abaki teneipoti nenia naas ltung'ana laijo lolo too nkusudorot.

1 Ltesalonike 4:5

namara too ng'uarrat torrok tana neiko lkulie ochon lemeiyielo Nkai.

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

Yuda 1:10

Kore kulo tung'ana, naa kedekita ntokitin nemeyielo, neitoki aaidakie ate tee nenia tokitin naamusoo aajo kera torrok. Naa kore sii abaki nenia naamusoo, naa kemusoo abaki ng'uesi nemeitoki eyielo.