Rroman 1:25 - Samburu

²⁵ Keitapaachita ndedei e Nkai o sapare, nesai neisiaai ntokitin naitayia ꞉Nkai, alang nesai ninye oisisi ntarasi! Aamin.

Rroman 1:25 Referans Kwoze

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

Rroman 9:5

Neing'uaa sii ninche ꞉lmakui lang Abraam o Isaka o Isirael, lolo ooing'uaa abaki ꞉Kristo ta ntalipa, ilo oara Nkai naaisul pooki, meterrepi ntarasi! Aamin.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Rroman 1:23

Neitapaach nkitoo e Nkai nemeye aikata o nkaitok e sapare naainyinyukore ltung'ana ooye o nkueeny o suom anaa ng'uesi naaye.

2 Timoti 3:4

nemeisiligai, nekuetiki mbaa, neiliepie ate, necham rraa e nkop aaitalang Nkai.

Rroman 1:18

Amu keibalunyieki ngoro e Nkai erere mbaa pooki naaitodolu aajo meurie ꞉ltung'ana Nkai o ntorroni pooki ee ltung'ana ooiboorie ntorno enche ndedei.

Matayo 6:24

<

1 Ltesalonike 1:9

Amu kore lolo tung'ana, naa keimakita ninkuna payie ing'amaa iyioo o ninkuna tinimbelekenyakinono Nkai, ning'uaa nkaitok e sapare, payie itumtum aaisiaayia inia Ai naichu nedede,

1 Timoti 1:17

Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.

1 Timoti 1:11

Nejia ejo Lomon Supati le nkitoo e Nkai ang namayiana, lolo Omon laaichooki nanu mataa laing'urani.

Matayo 10:37

Kore loacham menye anaa ng'otonye aitalang nanu, naa maaichiaakino ꞉ninye. Naa kore loacham nkerai enye, aa layieni anaa ntito aitalang nanu, naa maaichiaakino.

Epeso 3:21

metaa nenye nkisisa tee iyioo otii nkanisa nikitii atua Kristo Yeso, too ntowuoitin pooki ntarasi o ntarasi! Aamin.

Yoana 2:8

Neitoki ajoki, <> Neas ninche inia.