Biblia Todo Logo
Bib sou entènèt

- Piblisite -




Rroman 1:20 - Samburu

20 Kore apake payie eitaini nkop, kore inia pukunoto enye nemelio, aa ngolon ee ntarasi o mpukunoto e aaicho enye, naa kesipuni, neyielouni too ntokitin naaitayia ninye. Naaku meata neiko ninche tenejo meyielo Nkai.

Gade chapit la Kopi




Rroman 1:20
37 Referans Kwoze  

Naa keibala mbaa naaipirita yielounoto e Nkai tee ninche, amu Nkai naibalakinyie ninche.


Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino.


Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.


Kore teneitu alotu airorie ninche, anata meata naipari to ng'oki. Kake meata taata napaacharie ng'oki enche.


Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.


Amu kemanya Nkai atua ninye katukul apa era ninye ltung'ani oata sesen,


kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.


Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa.


Kore Nkerai e Nkai naa nkitanyanyukoto nalioo e Nkai nemelioo, ilo oing'uaa Nkai ewuon apake eitu eitibiri nkop naa ninye oitore ntoki pooki naitibiraki.


oara ninye ake apeny lemeye, newuon to wong'an nemenyikakinoi, nemeata hooyia ltung'ani otodua ninye, nemeata looidim atoduaa. Metaa nenye nkanyit o nkitoria ee ntarasi. Aamin.


To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo.


payie itumtum aataa nkera e Papa linchi oti chumata. Amu keitoong'oki ꞉ninye ndama lolo torrok o supati, neicho nchan loosipat o lamara loosipat.


Kake kore ta ng'asunoto payie eitai Nkai nkop, neitibir Nkai ninche, lee o lipong.


Amaa, koree naa laing'eni? Oo laiteng'enak loo nkitanapat, tanaa larriyiak le ana kop ooyielo aatowolu mbaa? Meibala ajo, eitaa ꞉Nkai ng'eno e nkop madai?


Swiv nou:

Piblisite


Piblisite