Mbolunoto 4:5 - Samburu

⁵ Kore te ilo orika le nkitoo nepuku nkiwuang'at o ndarat o nkukurrukurrot. Neiluta aitoki tekue ilo orika le nkitoo lkilang'ilang'eta sapa, kore lolo naa ltauja sapa ooisiaita Nkai.

Mbolunoto 4:5 Referans Kwoze

Mbolunoto 11:19

Neboli nkaji e Nkai te chumata, nelioi sanduku le sotua te inie. Nepuku teinie nkiwuang'at o ndarat o nkukurrukurroto o nkirikiroto e nkop o nchan ee soito sapuki.

Mbolunoto 8:5

Neitoki lmalaika aya ncharaa napejieki naing'urre narropili, neiput nkima naing'uaa ilo perere la lasar nenang'aki nkop. Nepuku ndarat o nkukurrukurrot o nkiwuang'at o nkikirikiroto e nkop.

Mbolunoto 1:4

Naa nanu Yoana oigeroki ana nkanisani sapa naatii nkop e Asia: Metaa tenebo o ntae munyani o sotua oing'uaa Nkai, ilo otii taata, netii apake, nelotu kenya, neing'uaa sii ltauja sapa ootii tekue lorika lenye le nkitoo,

Mbolunoto 5:6

Kore terichet lorika le nkitoo o ntokitin ong'uan naaichu naatuwuana ng'uesi, te nkiji ee lpayiani kutuaa, nadol Lkuo leker eitache etuwuana lotaraki. Neata mowuarak sapa o nkonyek sapa, naa ninche ltauja sapa ooisiai Nkai ooterewuaki nkop pooki.

Mbolunoto 3:1

Ningeroki lmalaika le nkanisa natii Sardis ele rerei: <

Asat 2:3

Neipung'oki ninche ꞉ntokitin naatuwuana lng'ejepa le nkima, newuenie nkue e pooki ng'ae otii inie.

Matayo 3:11

Kaipatis ntae ta nkare payie iwuenienie nkirriidunoto, kake kore ilo laaijipu naa keata ngolon kitok alang nanu, namaichiaakino abaki tanaitai namuka enyena. Naa keipatis ninye ntae ta Ltau Sinyati o te nkima.

Matayo 25:1

<

Mbolunoto 10:3

Nebuak to ltoilo kitok otuwuana nkupurroto e lng'atuny. Kore payie ebuak, neiro ꞉ndarat sapa too ltoilochi lenche.