Matayo 5:7 - Samburu

⁷ Emayiana lolo oaata lng'er, amu keing'erruni ninche.

Matayo 5:7 Referans Kwoze

Epeso 4:32

Kake entaasa ltung'ana supati niakuku loaanana ochuaa, nipalikiki lkulie ana natapalika ntae Nkai taatua Kristo.

Yakobo 2:13

Amu kore lemeata lng'ur, naa meing'urrieki sii ninye tenedung'okini nkiguana, kake keikitok lng'ur alang nkiguana.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

Luka 6:35

Kake entacham lmang'ati linchi, nintaasas ninche supati, ninchocho silen miatata siligi aajo kerrinyokini ntae toki. Naa kore laata inchi keaku kitok, niakuku nkera e Ilo ooisul pooki. Amu kore ninye, naa kera supat too lolo lemeata nache o too lolo torrok.

Lburania 6:10

Kore Nkai naa keisiligai, merikino nitaasa o nchaman nintoduaita ninye, payie iretret ltung'ana lenyena sinyat, newuon ake ipuoitoto kue aaret ninche.

Lburania 4:16

Naaku maotu tekue lorika le Nkai ang naata lng'ur mikiata ngureticho, payie kitum aatang'amai lng'ur o munyani naret iyioo ta nkata naichiaakino.

1 Petero 2:10

Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.

Marko 11:25

Naa kore nkata nintachoo aaomon, niatata mbae nimenmen te likae, entapaliki payie epaliki sii ntae Papa linchi otii chumata ntorrok inchi.

1 Timoti 1:13

Kore abaki ara apa nanu ꞉ltung'ani odek Kristo, naitam nkanisa enye sina nara ltung'ani oricho, kake kaaing'urrieki nanu amu kataasa nenia pooki mayielo, namaata nkurukoto.

1 Lkorinto 7:25

Kore taa mbaa naaipirita ltung'ana leitu eyemicho o leitu eemi, maata nkitanapata naaichoo ꞉Laitoriani, kake kalimu nanu nduaata ai atuwuana ilo oisiligai amu kaaichoo Laitoriani omom.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

2 Lkorinto 4:1

Kore tankaraki naichoo iyioo Nkai te lng'er lenye ana kisiaayiere, naaku megila iyioo ltauja.

Rroman 11:30

Kore apa itanya ntae ining'ining Nkai neing'urrie taata ntae tankaraki natanya Lyiaudi ening ninye.