Matayo 5:48 - Samburu

⁴⁸ Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Matayo 5:48 Referans Kwoze

Yakobo 1:4

Naaku naa, enchoo ng'iriata inchi ebulu katukul, payie iakuku ltung'ana ootubulutua aaiputakino taa mbaa pooki, meatae hoo ntoki nang'oriki ntae.

Luka 6:36

Entaa loaata lng'er, ana payie eata Papa linchi lng'er.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

1 Yoana 3:3

Naa kore pooki oata ilo siligi te ninye naa keitisiny koon ana payie era ninye sinyati.

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Luka 6:40

Kore loiteng'eni, naa melang laiteng'enani lenye, kake kore pooki ng'ae oidipa laiteng'enani lenye aaichoo nkiteng'ena pooki, nerisierei laiteng'enani lenye.

Matayo 5:16

Nejia sii entaas ntae: Enchoo wong'an inchi metoong'a tekue ltung'ana, payie edol ninche asat inchi supati neisis Papa linchi oti chumata.

Matayo 5:45

payie itumtum aataa nkera e Papa linchi oti chumata. Amu keitoong'oki ꞉ninye ndama lolo torrok o supati, neicho nchan loosipat o lamara loosipat.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

2 Lkorinto 13:9

Kore tanaa ikichal iyioo nigolgol ntae, naa iking'ida. Naa ikiomonoki ntae payie irrinyuonyo aaipid nkoitieii nchi.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

Epeso 3:1

Tankaraki inia paa kore nanu Paulo, oena tankaraki nara le Kristo Yeso o tankaraki natilika ntae, ltung'ana lamara loo Lyiaudi Lomon Supati, naomon Papa.

Matayo 5:47

Naa amaa, tinirorokiki lalachera linchi aapeny, nyo supat nitaasa alang nataasa lkulie? Aa meas echi lolo lemeyielo Nkai nejia?