Matayo 5:37 - Samburu

³⁷ Enchoo inchi metaa o metaa amu kore nkae namara ana, naa ilo torno eing'uaa.

Matayo 5:37 Referans Kwoze

Yakobo 5:12

Kore nalang mbaa pooki, lalachera o nkanachera ainien, emimanyare chumata tanaa nkop tanaa sii nkae toki. Kake enchoo <> inchi metaa <>, neaku <> inchi, <>, payie medung'oki ake iyioo Nkai nkiguana torno.

Lkolosae 4:6

Enchoo nkirorot inchi metaa naairirikino nkata pooki nebor, payie iyielouu nijoijo tiniwolikiki pooki ng'ae.

Lkolosae 3:9

Emisapa naa amu ituburkuchutua mpukunoto inchi e apa o asat enyena pooki,

Yoana 8:44

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.

Epeso 4:25

Naaku entapal sapare, nemeata lemeirorie likae te ndedei, amu ikira pooki rubat e sesen obo, nemeata nemeyieu reto e nkae.

2 Ltesalonike 3:3

Kake keisiligai Laitoriani, naa keitogol ntae, neirrita ntae te ilo torno.

Matayo 13:19

Kore pooki ng'ae oning lkilikuai le nkitoria, nemening'u, naa kelotu ilo torno aisimarie inia apa natuunoki taatua ltau lenye. Naaku kore ilo lemening'u, ninye inia oitiei duo natodoka lantarara.

Matayo 13:38

Kore lchampa naa ana kop, kore lantarara supati naa nkera e nkitoria, kore ndeti naa nkera e ilo aitarruoni.

1 Yoana 5:18

Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye.

Matayo 6:13

Naa mincho iyioo kijing atua ntemat, kake talaku iyioo te Ilo torno.>

1 Yoana 2:13

Naigeroki ntae loo papa, amu iyielolo ntae ilo otii apake ta ng'asunoto. Naigeroki sii ntae lbarnot, amu itimira ilo torno. Naigeroki ntae nkera, amu iteyieloutua ntae Papa.

1 Yoana 3:12

nimikiaku ana Kain oara le Chitani near lalache lenye metua. Naa amaa, aanyo payie etara ninye metua? Tankaraki kore asat enyena naa keitorrok, kake kore asat e lalache lenye naa neesipat.

Yoana 17:15

Kore naamonito, naa mara payie intai ninche aitung'aa nkop, kake payie irrip te ilo torno.

Matayo 15:19

Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai.

Matayo 5:36

Nimimanyare sii nkue ino, amu miindim hoo aiborrie anaa aitoroko lpapita obo.

Epeso 6:16

Kore too pooki, entarrapu long'o le nkurukoto, payie indimdim aatar mbaa naaiyupuyup naang'oru ilo torno.