Matayo 5:12 - Samburu

¹² Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Matayo 5:12 Referans Kwoze

Luka 6:23

<

Yakobo 1:2

Lalachera o nkanachera ainien, enting'idata katukul, tinitumtum saanat naapaapaacha,

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Rroman 5:3

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria,

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Lburania 11:6

Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.

1 Ltesalonike 2:15

Naa ꞉lolo Yiaudi apa oaatara Laitoriani Yeso o loibonok le Nkai, netimiraitie iyioo aaipung'ie. Kore ninche meiting'id Nkai, nera sii lmang'ati loo ltung'ana pooki,

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Matayo 6:16

<

1 Lkorinto 3:8

Kore ilo oun lantararai o ilo obukoki nkare naa kerisio tipat enche, nemeata lemelak ꞉Nkai te nkiririkinoto e siaai lenye oataasa.

Luka 6:35

Kake entacham lmang'ati linchi, nintaasas ninche supati, ninchocho silen miatata siligi aajo kerrinyokini ntae toki. Naa kore laata inchi keaku kitok, niakuku nkera e Ilo ooisul pooki. Amu kore ninye, naa kera supat too lolo lemeata nache o too lolo torrok.

Asat 16:25

Kore etaa keaku kiji kuarie, neranyaki ꞉Paulo o Silas Nkai sinkoliotin le nkisisa eomon, neinining'ito lkulie tung'ana oena tenebo o ninche.

Luka 13:34

Oi sii ake Yerusalem! Yerusalem! Iyie naar loibonok nenang too soito metuata lolo likiterewakaki. Nkatitin aja ateyiewua naiturrur nkera inono ana neiko nkoko teneiturrurru nkuoo taa nkaipupo enyena, niany.

Lburania 11:26

Nechamaa meitami anyit ana naitamaki apa Kristo, alang teneng'idakino parakuoicho e Misiri, neipirie nkonyek enyena inia laata kenya natum.

Lpilipi 1:29

Amu keichoo ntae Nkai munyani tankaraki Kristo, namara ake payie irukruk ninye kake payie itumtum sii sina tankaraki ninye.

Lburania 10:34

Ing'urrie ntae lolo ooteenaki te jila, nitachamaitie te ng'ida meewae ntokitin inchi amu iyielolo aajo iatata ntokitin e tipat naabik ntarasi nianyutata naalang nenia naawaki.

Lburania 11:33

Kore to nkurukoto ketimira ninche lochon, netaasa naasipa, neng'amu lekutukie le Nkai, neikeno nkutukie ee lng'atunyo,

Yakobo 5:10

Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche.